السلام عليكم
بما إنكم جعلتم الفكرة حرة اسمعوا
فكري مع الشعار ماهو بمحدود=أطوع الشّرد وأجود رسنها
وأبني من الأفكار طودأً ورى طود=وأثقّل أبياتي وأضّبط لحنها
وأن صار بشعار ناقد ومنقود=أراهن الشعار وأكسب رهنها
وأعيف نقص الشعر وأهيم بالزود=والناقصة ياكثر من يحتضنها
وبعض القصايد شي موجود مفقود=تبطي كما الجثة بداخل كفنها
وبعض القصايد عقد والماس منضود=لله در الشاعر اللي وزنها
وإن كان راح الشعر ماعنه منشود=والكاملة تجهل ويبخس ثمنها
ماني على عسف المشاريد محدود=آخير ترك المكرمة في صحنها