قصيه للشاعر /ابراهيم عليان الرقاص المظيبري .... يوصف بها جبال ابانات الشامخه ....
ابانات الجبال الشامخات اللي بهن غنيت
جبال ياجب التوضيح عنهن بالسعوديه
جنوب من بريده غرب ياللي رحت والا جيت
باواسط من قصيم العز والارض القصيميه
طميه من وراها كن حلياها ليا حليت
مظله عسكري(ن) قافز(ن) قفزه مظليه
وجبال اسواج بأدناهن تقل فيهن ليا لديت
جمال باركه والا تقل زيلان رجليه
جبال بينهن وادي الرمه ماهن سوى ياليت
الاسمر في شمال(ن) منه والاحمر جنوبيه
جبال عدوا الشعار عنهن بيت ينطح بيت
ولهن قبل اربع ميه عام سالفه حقيقيه
جبال لقبوني باسمهن وأفخر ليا سميت
ابراهيم الرشيدي نجم ابانات الجباليه
منقول من منتديات ابانات