المهم
وانا المهم ولا يهمه لافلان ولافلان== تشهدلي الابطال والحساد ادق اعناقها
اورد العطشا نهر ونطح الغاره حصان== وذا نطحها الصبح جا بعد العصر مستاقها
وضاح
وقت العداله راح هذا وقت عوجان السان=ولانت شاعرنا تجيب الدر وسط اعماقها
ماتشوفني في وزرتي غديت مثل البهلوان=ماذاق صاحبنا المهم وضاح مثله ذاقهـا
المهم
يابو يمن لامالو الاصحاب مع ميل الزمان== عب الحزام ونقز البلجيك من معلاقها
حنا نعدل المايله بالسيف ولا الجبخان== ون سلم منا خشمها ماسلم منا ساقها
وضاح
من واخذ اربوعه على اول زلتٍ ماله كيان=لايبست الشجره تموت مع الجذوع اوراقها
احلم هداك الرب يامروي رهيفات السنان=الناس هاذي توهـا لاتقطعـون ارزاقهـا
المهم
حنا مانبغا عذر نبغا حق واعادت مكان== احقوقنا وحقوقنا ياكل هواء بواقها
ولا ترانا نفخخ تريله ولا فينا جبان == وذا تجمعتم توطتكم وبو يمن سواقها
وضاح
ادري وكـانـك ثـالـث الاثنـيـن شـاعـر مـايـهـان=بعض الصور تنبي عن الاشخاص هي وخلاقها
انـكـان ودك تشتـعـل حــط الاشـــاره بالـبـيـان=وعقبـنـي الفنـجـال كـانـي مـالـويـت اشـداقـهـا
المهم
حنا منازلنا العلا حنا ماننزل بالطمان== والناس ماهي كل ليله طيبات اخلاقها
ياما تنازلنا وشيمنا ولكنه مابان == لين الهجوس من الزعل فج السما براقها
وضاح
مابه خلل وعرف وش المطلوب مابغا ترجمان=لكن خـل الشمـس حتى انـه يبيـن اشراقهـا
نعم صحيح وروسهم بكره سوات الديدحـان=والله لصفي شرذمـه لفـت علـي رواقهـا
المهم
كل الرجال الطيبه متحب دربن به هـوان=واهل الضلايم لو تعيش اعوام ربي عاقها
مايخرب الحسنه ياغير المن يطوال اليمان=وانته حلبت الناقه اللي مايـدر افواقهـا
وضاح
كل الرجال الطيبه متحب دربن به هـوان=واهل الضلايم لو تعيش اعوام ربي عاقها
مايخرب الحسنه ياغير المن يطوال اليمان=وانته حلبت الناقه اللي مايـدر افواقهـا
المهم
انا المهم اللي بيوته تدخل قلوب الذهان== وما تثير احزانها ولا تثير اشواقها
واللي ضميره معتدل مايحسب العشره ثمان == بس المصيبه بايع البيضه على سلاقها
وضاح
مافيك شك انت الزعيم الي له بيوتن سمان=لكن منصفك الدهر يومك دخلت اسواقهـا
روحت واخذها الكيع اللي سوات السعلوان=بمواصلاتن يسبقن اللعين سرع ارماقهـا
المهم
ماراح جعله مايرد اسمع كلامي معك الان== وبكره تشوف اهل العداله يابسات ارياقها
انا ماحط اهل النوايا الطيبه بلامتحان == واهل العقول الثانيه تستاهل استحقاقها
وضاح
ان الكوارث كلهـا مـن قصتـك قبـل رمضـان=روحـت قبـل اللحلقـه القشـرى يتـم اغلاقهـا
انتـه تحسـب ان الشعـر امناقزتكـم بنـبـوان=هذامصادم مثل فريسن تفك انياقها