ابا اكتب بك قصيده يامبارك تزعل الحسـاد
مدام ان الحقيقه تزعل الحساد ابـا ازعلهـا
يافارس عبس ياللي وقفتك وقفت ولد شداد
بيوت المدح في حضرة جنابك ويش يخجلها
نعم فارس نعم صنديد لحياض الوغـى وراد
رقـم واحـد بعبـس تقودهـا والا تمثلهـا
دخلت الماد واللي ماقدر يدخل معـاك المـاد
اكلهـا والحقيقـه ودك انـه دوم ياكلـهـا
لانـه دايـمٍ يقـرا علينـا دفتـر الامجـاد
ولايفهم بوضع اللي تعانـي مـن مشاكلهـا
اهو في واد واللي يامبارك نطلبـه فـي واد
كفيف ابكم واصم وعالـمٍ صعـبٍ تعاملهـا
لكن انته تميز سكة الصـادر مـن الـوراد
تعرف اثمانها قدام تنهـض مـن معاقلهـا
يمينك سيف والسانك قلم للقـوم بالارصـاد
بوقـتٍ يختلـط يالقـرم حابلهـا بنابلـهـا
نعم نحتاج لك لانك وليده مـن خيـار اولاد
عطاشى اكبود من بعض الوجيه اللي نجاملها
وهذا هو سلامي عد وبل البـارق الرعـاد
ياريس عبس ويضأ ياولد عبس وسلايلهـا
محمد سلمان الوهيداني
يستاهل ابو معاذا هذا المدح ويستاهل اكثر
ويعطيك العافيه على هذا الاحساس الصادق