هلا وغلا بالجميع
أحييكم وأتمنى أن أكون ضيف خفيف عليكم وماأغثكم
والله متورط مايدري وش السالفه
صباحكم / مساكم الله بالخير والسرور
بالحقيقه أبدا بنفسي أنا أخوكم العرعري
مستوى التعليم الثانويه والحمدالله موظف عسكري بالمدينه المنورة
واللي معاي بالعمل أخونا صقر بني عبس
ويعرفني جاري العزيز المشرف خالد العويمري
وفيه هنا أثنين أعضاء والله واحد ولد عمي والثاني ولد عمتي هههه
,,بداية دخولي للمنتدى,,
أخواني والله العظيم أني كنت أكره شي أسمه منتدى
وبداية دخولي للمنتديات كنت أبحث في قوقل عن محاورات وطبعا
قوقل يحذفك بمنتديات كثيره المهم ادخل قسم المحاورات والله العظيم أي منتدى بغض النظر عن أسمه
واللي كرهني في المنتديات أكثر يوم أجي أبحمل محاوره أو أستمع لها يوم يقول أنت عضو غير مسجل وهذا اللي يقهرني وكرهني وطبعا أطلع منه وأدور منتدى ثاني ومرة من المرات كتبت اسم محاورة بقوقل وعلى طول وجهني الي منتديات بني عبس ودخلت على المحاورة وحملتها والله العظيم اني أقول
الله يوفق صاحب هالمنتدى شكله طيب ههههه يعني بدون ماتسجل تقدر تحمل المحاورة وبصراحه دخلت أكثر من مره للمنتدى بقسم المحاورة وحملت اللي ابيه من المحاورات والله
العظيم اول منتدى أسجل فيه هو ذالمنتدى والمهم فتحت المسن وحصلت رساله من سعد الرشيدي نهنئك بالتسجيل وقلت في بالي خلني اشوف وش عندهم
الى أن استمريت على ذالحال وبالعكس صار بدل كره المنتديات والله صار حب ولأأخفيكم سر والله أني سجلت عشان فقط اسم القبيله
أكتفي بهذا ولي عوده مرة أخرى