أحب الشعر كثير
وفي قصاائد كثيرة تعجبني واخترت لكم جم وحدة:
***هـــذا وجـــــودي مــرتبـــط في وجـــــــودك
مــــوتي وحـيــــاتي فـي يديـنـك أمــــــــرها
لـــو الأمـــــل في نـفــح طـيـبـك وجــــــودك
إن كـان مـــــــالي بالحــــــيـاة وكــــــــدرها
أنــا أســــــيـرة فـي هـــــــواك وقـيـــــــودك
قـــــــرب تـــرى فـرقـــــاك روحـي دمــــرها
أنــا حـــــلالك لـــو تجــــــــاوز حـــــــدودك
اطـلــــــب مــــدام الــــروح سيلك غـمــــرها
بعـطــــيـك أسـئـلــــتي وعـطــــــــني ردودك
ســــــر المحــــبـة ويــن يكـمــن خـطـــــرها
لـيـتـك تحــــن لحـــــالـتي مــن صـــــــدودك
وأمـشـــــى ورى خـطــــوتك واتـبـع أثـــرها
مـتـبصــــرة .. لكـــــن ذبحـــــــني بــــرودك
ليـسـت غـفــــــون الـــــروح وأذيل زهــرها
كــــــودك تحـــــن لحـــــالتي بش كــــــودك
وان ترحـــــــم اللي مارحـمــــها دهـــــــرها
***
هو يعرف أن القصايد خيالات وفنـون
واقعي مافيه غيـره شريـك بدنيتـي
مالعبوا اهل المغازل عليه ويخسـون
ماشيه في حشمةاللي مشى في حشمتي
من تربي مثلي في بيت عزٍ مايخـون
غاليه بالحيل بالحيل عنـدي سمعتـي
ماسهرنـا بالليالـي ندقـدق تليفـون
امحشوم اللي نواه الجليـل بقسمتـي
غالي لو هو يبي قصة العاتـق يمـون
حجته تبقـى وتسقـط لعينـه حجتـي
هو نون وحطه المعتلي في وسط نون
في يدينه دمعتي وفي يدينـه بسمتـي
***اشـتـقـت لك يازكـي الـــروح والمعـشـــــر
خـلـيـت قـلـبي يفــــز بـشـــــوق للطـــاري
ضـيـعـتـني بـيـن حـلــو الوصل والمهجــر
وتـدري عـلى شـوفـتـك ماتـنـطـفي نـــاري
يادمعــة الـبـيـن بـيـن أجـفـــانـنـا تسهــــر
ياخطـوة الشـوق تعـشـق خطــوة السـاري
حـبـك بقـلــب المـحــب المـبـتـلي يـزهــــر
والـروح تـنـضـح عـشـق لـيـتـك بها داري
قـلــبي كـــريم الهــوى بالحـــب ماقـصـــر
أقـسـمـت أكـــون الـدوا والجـبـر والــذاري
ياكـيـف اخـبـي لهـيـب الشــوق وأتـصـبـر
وادفـــن ورود الـغـــلا وأعــانــد أقــــداري
ارجــع وعـاتـب وقـاسـمـني هــواك المــر
مشـتـاق أضـمـك نـظـر في جـنـة أفـكـاري
صـافـــح يـمـيـني وخـــل الكــف يتعـطـــر
خلني سجـيـن الهـوى وكـفـوفـك أسـواري
ناظــر وخــل العـيــون ابـشـوق تـتـسمــر
خـلـنـا نـشـب الوصـــل في لـيـل قـصـاري
***
هــــديتي انت .. لاتـتعــــب وتهــــديني
اغـلى هــداياك في صــادق مـواعـيــدك
في نظـرتك شفـت برق الوصل يغـريني
الحـلم يقفي حـلـو الطـيـف .. واعـيــدك
خـل التعـب عـنك .. منك الحـب يكفـيني
القـلــب يعـطيـك كل الحـــــب ويزيـــدك
ياأجـمـل قـصيـده كتبها الوقــت لسنيني
واعــذب لحــن مايمــل العـمــر ترديـدك
مافـيه غـيــرك يـزعـلـني .. ويـرضـيني
ابسـط كفــوفي واقــول اهـواك واريــدك
اطــو المسافـات يمي .. واسكـن بعـيني
الحــــب ماهـــــوب لابيـدي .. ولا بيـدك