سبع الغداري
يابو ناصر بعد ماعوت لربوع الجزيـرة=عطني الاخبار يارجال عن دار اليهـودي
ياعسى الله يشفي لحالك ويرزقك الستيرة=مار طعني لاتروح بعيد عن دار السعودي
ابو ناصر
الشكر لله ربى جابـر العظـم الكسيـره=سفرتن ياعلها يالسبـع سفـره ماتعـودى
الخطا مامن خطا لاكن دعوانـا خطيـره=كيف اطيعك وانت يمكن ماتعديت الحدودى
سبع الغداري
من سمعك يقول أكيد محصلاً دعوى كبيرة=عطني الاخبار سرعة قبل ماتبيح السدودي
تدري أن السبع يهجد ديرة ويصبح بديـرة=كل ديرة حافها يوم اكثر العالـم رقـودي
ابو ناصر
العلوم اللى تبيها بين خيـر وبيـن خيـره=اصبر اشويه لحتى يبين الك نقصى وزودى
الغناوى مايدور مد مـن نـاس ن فقيـره=وانت ياسبع الغدارى من حيود ليا حيـودى
سبع الغداري
قلت خير وقبل ساعة قلـت شـراً طـار طيـره=صارت علومك ياراع البهرجـة بيـضٍ وسـودي
تدري أن السبع جاكم حاسكـم حـوس المريـرة=لين صار اطلق شنب يخش راسه بالنفودي
ابو ناصر
طيع شورى روح دور شيخ وافى واستشيره=قبل اعلمك بعلـوم ن ماتسـرك يالحقـودى
انت تعوى فوق ظلع ن بالشكل كنه وعيـره=يوم شفت البارق الماع واوحيت الرعـودى
سبع الغداري
انصح انصح واحداً شرواك مقلوب البصيرة=شطرك المكسور واضح يابو ناصر للشهودي
منصبك بالموقـع المشهـور للعالـم سفيـرة=مير طعني واعرف المطلوب لا تغث الكبودي
ابو ناصر
انت ماتسوى مع الشعار لو حبة شعيره=ماتعرف الصادرات ولاتميز بالـورودى
كان ماودك نسل السيف من داخل جفيره=عطنى المطلوب هيا واستلم منى نقودى
سبع الغداري
الشهادة منك نقـص ولا تـزّود بالمسيـرة=والمذمة منك زود وتعتبـر للنـاس فـودي
نظرتك نظرة طموح وصارت افكارك منيرة=وكان تبغى راي شمطان اللحى رح للهنودي
ابو ناصر
الفقـارا تالـى الايـام يحسـون الخمـيـره=ماجذبهم نجر بدو ن مادخـل فيهـم حسـودى
ماوراك الا الحياه اللى لهـا معنـى وسيـره=ونظرتى نظره صحيح ونظرتى نظرة جرودى
سبع الغداري
من هذولا مستفيد انته بسفرتك الاخيـرة=والا انا حظي بري منكم ليا يوم الوعودي
طاب فالك بعد ماراحت مطباتـاً كثيـرة=مير يارجال لاتقرب حمى نسل الفهودي
ابو ناصر
تحسبنك شاعر الشعار يامصـرر حميـره=وانت مثل اللى يساق ولا يساق بلا قيودى
العسيره عند مثلك عندنـا تصبـح يسيـره=روح وانشد واكتم الاسرار والحق معدودى