اخوتي الكرام بالشبكه
أقدم
لكم هذا الرديه
بيني وبين
الشاعر العزيز
والاخ الصديق
شبيب بن ناصر المشعبي السبيعي { شرفان ناصر }
وقد
بادرني بهذ الابيااات
يابونـاوي ياعريـب الـسـاس=يالرشيـدي بيرقـك عـالـي
بشتكيليـك مغـنـجٍٍٍ حـسـاس=طـول علـي وهدلـي حالـي
اليـا طلبـنـي جيتـلـه دواس=واليا وصلتـه جانـي وقالـي
انتا حبيبـي الطيـب المحتـاس=ونذراً عليـا ماحذفـه شالـي
يرتفع بـي ظغطـي ماينقـاس=واتمـنـى امـسـه بعقـالـي
بس البلا انه غير كـل النـاس=سيد الحـلا و منبـع الحالـي
من كثر حبه مايجينـي نعـاس=سهير ليلـي ودمعـي همالـي
وبعد الذي شفته بـذا القرطـاس=من بعض شعري وبعض غربالي
ابـا اتحـرى ردك الـونـاس=عجـل علينـا حالنـا بالـي
وقد استقت له هذا لابيات
يامرحبابك .. عـد مانسنـاس = هبهب علـى خـلٍ .. تهيالـي
يالصاحب .. الي للشرف نوماس = من روس قومٍ .. فعلهم طالـي
يشكي .. علي الجادل الحساس = يشكي .. فراق الصاحب الغالي
لاتشتكيلي .. وضعك المنحاس = روّح .. عسى هالوقت يصفالـي
قبلك .. وانا الي خمني الهوجاس = عقب الرفيق .. الي علـى بالـي
حبه .. بنون العين مثـل المـاس = يبقى .. ثميـن ومعدنـه غالـي
اليا ذكرته .. بين كـل النـاس = قمت اتوجد .. واشتكي حالـي
ماعادلي .. في ديرتـه مجـلاس = حتـى .. منامـي ماتهنـالـي
اليا طلبتـه ... مايهـز الـراس = قام يتصـدد .. مايبـي قبالـي
يقول انا ودي اذوق .. الكـاس = مير البلاء .. بـه عـمٍ وخالـي
ثمٍ اضيق .. ويبتدي الوسـواس = واجر لاجله حـزن .. موالـي
جاك الكلام .. الي كما القرناس = يبقى رفيـع .. ومنزلـه عالـي
وهذا الرد بصوتي
http://www.7ammil.com/download.php?id=W1N1DHZNFS
واعتذر
عن عدم وجود عينه لصوت الشاعر الراائع شرفان
اتمنى ان تنال على
أعجابكم وأستحسانكم
هذا
وتقبلوا
جل التحيه والسلام
ذ
ي
ب
ا
ن
: