وش فيك صاحي بان صبحك ومضواحه=في نظرتك قصةن للغيم والتربه
مقاديرالزمن عوجا وللضيم نزاحه=يكفيكها اللي يحل الضيم والكربه
لامن عطاك الزمن لاتحسب ارباحه=الكاس في يمتك ياماحلاشربه
واحدخسر ربعه وهبت به رياحه=لازم يمربعجاج الوقت والغربه
وكل السما ماهي الا للفكرساحه=والاانت طير فقد وسط السماسربه
ابسئلك عن هوى قلبك عن افراحه=ابسئلك ليه خلك ما تناظربه
ترى اللقا باب عند الشوق مفتاحه=الياانفتح ينفتح لاسواري الخربه
وتراي عودن وشفه شوفة الواحه=محزم ن فالبعير الزاد والقربه
هايم مع الوقت ماينشد عن الراحه=دايم بوجه الزمن راس على حربه
شاعر يشم الزهر لين الزهر فاحه=حتى ذبل منه زهره والامل قربه
رجل كتوم ن يموت السر ماباحه=يعصف به الشوق واذان الشقى طربه
والياسالت العرب وشلون مرتاحه=الناس فيها الشقى لكنها ذربه
الوقت يرمي على مغلينك وشاحه=وانت اعربي ن دله في بادية عربه
نقض مسافاتك وقربله اصباحه=ياما حياة الهنا يالموت يالغربه