قبل اسافر وتنسى جيت اسلم عليك..
جيت ابي عمري اللي اكتشفته وغدى ..
ضاعت اجمل سنيني من عمايل يديك..
اكذب ان قلت راحت لاجل عينك فدى..
فرصة العمر قالوا لاغدت ماتجيك..
جتني اكثر فرص عمري وضاعت سدى..
جرب الخوف مره حس به يعتليك..
وارفع الصوت ماتسمع لصوتك صدى..
تدري اللي ذبحني قولتك ماابيك..
مابقالي لثاري لو بغيته مدى..
ماهقيت المشاعر كلها ترتجيك..
قل لها بالمفارق منهو اللي بدى..
هاك دمعة عيون باكيه تشتكيك..
هاك ريح ضميرن مااستراح وهدى..
ماتناظر عيوني زول هذي وهذيك..
مايهز المسامع اسم ريم وهدى..
قلت ماعادلي رغبه وشوفات فيك..
قلت يانفس طيبي يفرحون العدى..
قلت عايف ونفسي بالخفا تشتهيك..
عزة النفس تدري طيب ماهي ردى..
خل عينك تهل دموعها وش عليك..
انت خدك ورود ودمع عينك ندى..
الرائع
متعب التركي