[ادري طيبتي غلطه]

السلام عليكم ورحمة الله وبركاته
\
\

في البدايه
\
\
احب اشكر اخوي ذيب الحره على اتاحته الفرصه لي
في اني احكي لكم عن مغامراتي وطفولتي
اللي استمعت وانا اتذكرها واكتبها لكم
واشكر اختي ريم الفلا على طرحها الراقي والمميز
وهذا ما احببت ان ارويه لكم عن طفولتي واتمنى اني ما اطول عليكم


!

[ المحطه الاولى ]
اوصف لنآ طفولتك بمآ تريد !


.
امممممممم

بصراحه طفولتي كانت خطيره
ما احط شيء براسي الا اسويه كنت اخذ اللي ابي بحكمه وتخطيط متقن
كنت مسويه فيها عربجيه ==> تكفخ عيال الحاره
وكنت اموت في شيء اسمه العاب ناريه ومره احرقت رموشي خخخخخخخ وانا العب فيهم بعدين تبت
كانت عربجه على اصولها بس الحمد لله عقلت كنت 24 ساعه هواش مع بنت الجيران
كانت هالبنت ملقوفه وما تخلي احد بحاله
وما احد يقدر عليها غيري
==> كانن يتهاوشن بالشارع ههههههههههههههههههه بس اروح وطي لاجاء اخوها وما تشوفون الاغباري
كنت بنوته دلووعه من الجميع حتى جارنا مدلعني وكان الجميع ما ينادوني الا الاميره
باختصار كنت اتمسكن لحد ما اتمكن ==> سياسيه

\
\

.

[ المحطة الثانية ]
ما هو اجمل موقف اواجمل ذكرى تتذكرها من طفولتك ؟


اجمل موقف كانت مديرة المدرسه الابتدائيه
اللي كنت فيها صديقة امي وتحبني مررره واذا شافتني نادتني وباستني قدام البنات
وكنت استانس اموووت من الفرحه ==> تحس حالها ملكه خخخخخخخخخ
وكانت دايم تناديني افطر عندها بغرفتها وكنت اشووف حالي على صديقاتي
ياهووه معاي ساندويش غير عن ساندويشاتهم هع هع هع
واحتفظ بالحلاو اللي تعطيني اياه ما اكله الا بعد يومين ==> تجلس تحر البنات فيه خخخخخخخ ==> تغثهم يومين في الحلاو خخخ









.

[ المحطة الثالثة ]
ما هو أصعب أو أحزن موقف مر عليك في طفولتك ؟
الحمد لله ما عشت مواقف محزنه كثير في هالمرحله وما مرت علي مواقف صعبه

بس اتذكر موقف تأثرت فيه وزعلت

كانت في قطعة ارض ورى بيتنا وكانت فاضيه ومو مبني فيها شيء
وفي يوم من الايام سيرن علينا بنات خالتي وقلت لهم يلا بنكشت ورى بيتنا
وقطينا ورحنا للبقاله واشترينا اندومي وعصير واغراض الكشته ومانسيت الكبريت ==>شبابة النيران وطباختهم هع هع هع
المهم اهلنا مادرو عننا يحسبوننا بالحوش نلعب الحريم لهن عننا بالسوالف
المهم يوم شبيت النار ==> شبتها في قراطيس ومناديل وكم قطعة خشب
الا وانا اشم ريحة حراق وريحة شعر يحترق
مادريت الاشعري مولع نار ورموشي محترقه
بس الحمد لله ما تعورت ولاجاء وجهي شيء
وانا اتحطم وانقهر واترك لهم طبختهم
واروح لامي ابكي
واقول لها شعري احترق يا ويلي يمه صار شعر ايمان اطول من شعري
==> بنت جيرانناخخخ كنت اتهاوش انا وياها من شعرها اطول من الثانيه
واقول ابي طاقيه بلبسها علشان ما احد يشوف غرتي محترقه
الا على جية خالي وسمعني
ويجي يعصب علي ويروح للبنات ويجيبهن كل وحده بكم كف
وبكاهم كلهم وانا حن علي لانه شافني متقطعه بكاء خلقه
عيوني ما تنشاف من الدموع

وكانت مأساة كشتتنا احتراق كشتي المصونه




[ المحطة الرابعة ]
ما هي أجمل هدية تلقيتها في طفولتك ولم تنساهاالى اليوم ؟
.الهدايا كثيييير
وانا من طبعي احب الهدايا
وكنت استانس فيها ==> وما افرط فيها ابداً ولا زلت احتفظ في هدايا قديمه عندي من يوم كان عمري 10 سنوات
بس اجمل هديه
كانت سلسال احمر وفيه قلم مقلم الوان وكان مره حلوو
من ابلتي في الابتدائي وقتها كنت سنه رابع وكان اخر يوم لها
نادتني عند البوابه يوم كنت بطلع ولبستني اياه وقالت تذكريني فيه
==> كنت احب هالابله مررررررررررره ==> الله يذكرك بالخير يا ابله مياسه

.
.
.

[ المحطة الخامسة ]
هل هناك انسان معين كرهته في طفولتك .. ولماذا؟
كنت اكره جارتنا
لانها كانت تتنذل فينا وتجي تقطع مرجيحاتنا

كنا مسوين لنا مزعه جنب بيتنا وفيها شجرتين كبار
وكنا نجيب حبل ونربطه فيها ونحط عليه مخده وتصير مرجيحه
وماكنا نخلي بنتها تلعب معنا
وكنت حاقده عليها حيل
كل يوم تجي وتقطع مرجياحتنا
كل عصر وهي طاقه عباتها وجايه تقطع في مراجيحنا
==> بس انتقمت مره وجبت نبيله وفضختها خخخخخخخخخخخ

.
.
[ المحطة السادسة ]
ماهي اصعب مره ضربت فيها ولازالت محفوره في ذاكرتك ,, وما السبب ؟
والله
انا ما عمري انضربت من اهلي

بس مره يوم كنت صغيره ناداني خالي وطنشته مارديت عليه
===> مسويه ثقل
وجاني وجلس يرميني بالهواء ويمسكني بيدينه
وجلس يرميني وانا اصيح لحد ما اغمي علي
==> هو وجهه بيسوي فيها يدلعني مادرى انه طير عقلي
وانا من النوع الخواف
وجلست اسبوع زعلانه عليه وحاول يراضيني بس مارضيت الا في دبدوب كبري خخخخخخ
حسبي على من اخذته هع هع هع
\
\.
.
[ المحطة السابعة ]
هل كنت غيور بطفولتك من اخوانك وتحس بوجود تمييز بينك وبينهم ؟
انا غيوووره مرررره وللحين الغيره فيني
وما في فرق كبير او تمييز
بس كنت الدلوعه بينهم وكلهم يغارون مني ==> للحين هههههههههههههههه
والكل يحبني ويدلعني لان الوالد الله يرحمه موصي علي
.
.
[ المحطة الثآمنه ]
ما هي اكثر وافضل لعبة كنت تلعبها و أنت صغير
افضل واحلى لعبه
السلم والثعبان
والحبل
كنت بارعه فيهن وما احد يغلبني
.

[ المحطة التاسعة ]
هل ستربي اولادك بنفس الطريقة التي تربيت بها في طفولتك؟
لا بصراحه ما ابي اربيهم كذا
لاني اشوف اني تدلعت في طفولتي اكثر من اللازم
واستمر معي هالشيء لحد ما كبرت وعانيت لحد ما بديت ا تغلب عليه
واتعلم انه مو كل شيء ابيه اخذه وان الدنيا ماراح تكون على كيفي
واولادي
ابي ادلعهم بس بحدود والزمن تغير لازم نراعي الفروقات
\
\
ويعطيكم العافيه على هالاستضافه واتمنى اني كنت خفيفة ظل عليكم واسترووا ما واجهتم

واحب استضيف بعدي اختي الغاليه
المااااااااااااااااااااااس
واقول لها غردي لنا وحكينا عن مغامراتك