يامـا لجـاري تمنـيـت
عفت المراح وضاق صدري زيـاده
شديـت ياالعدهـي وعنـا تنحيـت
محذا مكان النـار يـذرى سمـاده
لااوحيت نجرك تالي الليـل فزيـت
لك شبة(ن)مع فجـة النـور عـاده
ولو لي عظام(ن)تنهضن كان شديت
والله فلا ضاعـوا عيـال الجـراده
تدفن بقاع الارض ولده تقـل ميـت
ورب الملا يعلـم بحسبـت عـداده
وش يجمع السمن العرابي مع الزيت
ولا كل من ينـوي يحصـل مـراده
عليك بعظام العـرب وان توازيـت
وعزي لمن حط الردي لـه سنـاده
والعفن ما ينفع سوى حي(ن)اوميت
ولا له على صعب المراجل جـلاده
يعطيك العافيه رتال ونعم في ساس العدهي