عرض مشاركة مفردة
  رقم المشاركة : [ 1  ]
قديم 18-12-2008, 03:03 AM
الـــشــــيـــهانــة
عضو مبدع
الصورة الشخصية لـ الـــشــــيـــهانــة
رقم العضوية : 2133
تاريخ التسجيل : 7 / 9 / 2007
عدد المشاركات : 388
قوة السمعة : 18

الـــشــــيـــهانــة بدأ يبرز
غير متواجد
 
Wink أحبه ولا أبغضته على شيٍ يسويه
بسم الله الرحمن الرحيم

من خلال فرفرتي بالمنتديات وخاصه قسم الشعر
لفت انتباهي روعه وابداع قصائد الشاعر محمد بن فطيس
وقلت أروح لمنتداي واسدح الشعر اللي حسيته اقرب شي لنفسي
أتمنى انه يعجبكم أخليكم معاها


واللي حاب يسمعها هذا الرابط
http://gsayed.z7mh.com/watch92.html

يا هيه إتلفت لي وإسمع دعاي لك يا هيه
ترى عادك بتشبع من البعد وتواجه
***
دعيتك بصوتٍ ياصلك ليه ما توحيه
وأنا أسمع ضلوعك من صدى الصوت لجاجه
***
عليك الفؤاد إخلاجه مصمخ راعيه
خف الله في راعيه ما تسمع إخلاجه
***
ترى العفو قد جاك أوله وإغتنم تاليه
وترى الحلم بحرٍ غير لا تآمن أمواجه
***
وترى الود ليلٍ مظلمٍ جيتلك ساريه
سراجه وصالك والجفا ينفخ سراجه
***
وترى قصرنا اللي كم سنة نجمع ونبنيه
هوى العذل طيح بابه العود وسياجه
***
لي أيام مدري وين دارك ولا أدري ليه
وأنا خابر إني باب شفك ومزلاجه
***
غيابٍ بلا سبة هجادٍ بلا تنبيه
وجفا أغلى العرب نارٍ على الكبد وهاجة
***
نضج قلبي من البعد وش حاجتك تكويه
جفاك الجمر والصبر في بعدك الصاجه
***
إنطبع حبك بقلبي والأيام ما تمحيه
هذا هجرك يحاول يموجه ولا ماجه
***
يموت الأمل لكن ظنون الغلا تحييه
وعروق الوفا فالروح والقلب وجاجة
***
خبرتوا حدٍ يبكي على واحدٍ يبكيه
وخبرتوا حدٍ مسجون ما يبقي إفراجه
***
أحبه ولا أبغضته على شيٍ يسويه
ولا زالت رقاب الرجا فيه معاجة
***
عسى منزلٍ ضمه حقوق الوسم تسقيه
وتضحك له الدنيا وهو يضحك حجاجه
***
فقد خاطري شي من الضيقة مسليه
وغدت روحي من الناس والليل هجاجة
***
أروح لمكانٍ خابره .. خابره تآتيه
أسوق القدم صوبه وهي مالها حاجة
***
مكانٍ نزيه وأول مواجهي له فيه
وأنا خابرٍ ما رجل مثله بدواجة
***
لعل وعسى ما حدني للمجي يدعيه
وأشوفه وأنا ما ودي أسبب إحراجه
***
يحب الجريح آخر دروب اللقى ويجيه
وتحب القدم جية مكانٍ أول مواجه







توقيع الـــشــــيـــهانــة


عمر الزمن ماحقق لخاطري شي....جعل العوض في مقبلات الليالي

 

 



Facebook Twitter