مل الخجل فيك ما مليت من شوفك=واغمض عيوني عنك وانسى انك عيوني
مل الغلا في مابين بعض خوفك=يامعصبي في سماء عينك ويا هوني
اسرفت بك شوف وانت اسرفت بكسوفك=ماتدري ان بخجلك تزايد غبوني
ليتك تمعنت في نظرات ملهوفك=تشرب ملامح غلاي وتستلف لوني
يالذتي لو قدرت استوعب وصوفك=ازريت لا استوعب اللهفه بمكنوني
يالذتي يوم اشوف نخضب كفوفك=تضما كفوفي سلام وتشرق طعوني
لاتعتذر لي اكيد مقدر ظروفك=متاعب الدرب ماتخلف بك ظنوني
لو ما تجملت فيني شفت معروفك=مهما تكون الظروف تكون مطنوني
ما جيت اعاتب حبيبي جيت ابا اشوفك=وش عاد لو كنت بين الرمش وجفوني