[شداد المظيبري]

هذي القصيدة قالها الشاعر سعد بن حميده المشيعلي الحربي يصف بها معركة الخناق)) الكائنة على مضابرة أبانات من قبائل بني رشيد ويثني بها على فرسان المضابرة في تلك المعركة الحاسمة وانتصارهم رغم قلتهم يومذاك وكثرة اخصامهم وكان الحربي موجودا في ذلك اليوم ضيف عند المضابرة وقد شارك بين صفوفهم



حزة طلوع الشمس جانا بالهذيب = منقيه يفكرك كثر حسابها
من الدواسر الى القليب = في عبلة والملح غطى هضابها
وشفت الظفر والفعل والحس الصليب = ربع عزاويها تسرا قرابها
فعل يخل الطفل من هوله يشيب = أولاد مضبر والرصاص حرابها
تحابسوا في وسط حلوات الحليب = لين اضهروها غصب من طلابها
صارت قلايعهم بكثلات السبيب = الحض طيب والرصاص أسبابها
وابن حنيه(1) يعتزي باصل عريب = حضه كبير وبندقه قد جابها
واخوه الاصقه قلت والشر العطيب = يضرب دروب كايد مضرابها
يالله دخيلك عن ترديت النصيب = يوم القلايع شفت كل جابها
ياذيب ياذيب المقوقي(2) لاتغيب = خلك حول محيوه(3) وهضابها
والضبع هو والطير خل له الشعيب = والضبعة اللي كاشرات أنيابها
سبعة جلاويه يشادون الغريب = أسود الجبال نمورها وذيابها
سكان ابان مركزة هدل العسيب = كم معتدي طشوه حول هضابها
ان جيتهم ببيوتهم حلو الحليب = وان جيتهم عادي تعاف ترابها
بني رشيد اللي يضدون الحريب = بغارات دائم ماتلث اركابها
كم نزلت راحوا بها غريب = غريب الصويب اللي تطش اركابها
واللي مكذبني يجي ينشد حبيب = يوم ان برجس(4) طاح في ملعابها
الكذب والله مالنا فيه النصيب = والصدق مفتاح الفرج وابوابها

_____________________________________

1ابن حنية فارس المضابرة (2)_جبل (3)_هضبة (4)_برجس فارس من المعتدين على المضابرة وسيد من ساداتهم

منقول

الموضوع الأصلي: المظابره ومعركة محيوه وشاهد وقصيده | | الكاتب: شداد المظيبري | | المصدر: شبكة بني عبس