[سعد الرشيدي]

السلام عليكم ورحمة الله وبركاته

طل علينا عبر شاشات التلفاز

شاعر عبس بجديد وفريد كما تعودنا منه وهو رد على بعض الخفافيش والحاقدين..

وقد القاء هذه القصيدة بحفل احد شيوخ المظابرة في ديار عبس بالقصيم ابانات

بسم الله الرحمن سبحانه عليه الإتكال .... علام ماتخفيه نظرات العيون الخينه
عز الله إني مابغيت الشرح لين العذل طال ... واجب علي المنطمس للمسلمين أبينه
يابن مناحي ماتغيبني حرام ومستحال ... أرسل ندى عبسي لراعي المشكله بمكينه
عبس أبرياء من هفوة الهافي وعذر الإحتيال ... إن خاف ربه وان دفن حظه بوسط دفينه
حطيت لي جال أحتمال وضفت للخبث احتمال ... وطلع بريصيني يطقطق بالصفا بلسينه
البن يطلع له بذل والمجتمع بفرز حثال ... واللي يبي راس الجبل ماينسدح ببطينه
مالي على من يزرق بتحريف التلال ... ونفس المسمى دوره في ديرتك وتعينه
خلك معايه واقعي واضرب على نفسك مثال ... واذا بغيت البينه بأبن الوسيط البينه
ونكانه خدشة نسب حنا نسبنا بالعلال ... جيناتنا ماهي على قلة سنع متجينه
الثار والفتنه تطاردنا على طول الليال ... وحنا جبل لو الصواعق تضربه ماتلينه
ونكانه سرقة وطنيه وتعقيدة حبال ... حنا سعوديين يوم إن الزهاب طحينه
سبع بيارق كبرن يمشن وخطاهن ثقال ... مع الإمام الفيصلي والأمه المتدينه
يا قلعة الإسلام هل ياجد بك المسلم ظلال ... الكذب كيف نعايبه والصدق وين نعينه
رغم الظروف القاسيه نصبر مثل صبر الجبال ... نموت وتحيا المملكه في تاجها متزينه
بقيادة الحر الأبي رمز العروبه والنظال ... كل المشاكل قدم ابو متعب تصير هوينه


مع ملاحظة :
انه سوف يتم تحميل كامل حفل ابن سعدون المظيبري الرشيدي بعد تخفيف الحجم على شبكة بني عبس مكتبة الفيديو قريباً..







ولتحميل من الرابط التالي بالماوس اضغط يمين وحفظ بأسم

http://www.bani-3abs.org/saad/aeeed.rm

علماً بان القصيدة ردا على الشاعر

سويلم مناحي الرشيدي

وقصيدة الشاعر سويلم هي:-

يامشرفيـن المنتـدى بالله انـا عنـدي سـؤال
ابـــي أكـتـبـه وارتـبــه وانـقـحـه وزيــنــه
وابي أطرحه ووجهه للشاعـر اللـي لايـزال
يعطي ولـه وقفـات فـي ماضـي حياتـه بينـه
شاعر قبيلة عبس ابن مربح ولا فيها جـدال
اسمـن خـذاه بمـا فعـل محـدن عليـه معيـنـه
شاعـر بـه المـيـزات مكتمـلـه ولله الكـمـال
أقـولـهـا وتقـولـهـا كـــل الـنـفـوس الـديـنـه
ولايجحد فعول الرجال الا هلابيس الرجـال
والشاعر المذكـور الـه وقفـات ماهـي هينـه
وانا سؤالي يابن مربح يا ولد واف الخصال
سـؤال واضـح لا تقـول ان السـؤال مطيـنـه
وين أنت غايب يازعيم الشعر حلال الحبال
جـاوب سؤالـي وانتـبـه لا تحـرفـه وتشيـنـه
عطنـي اجابـه مقنعـه مافيـه للسكتـه مـجـال
قصـيـدتـي بالمـنـتـدى والاسـئـلـه متـبـيـنـه

الموضوع الأصلي: عبس - والرد على الخفافيش - و مع شاعر عبس عيد بن مربح | | الكاتب: سعد الرشيدي | | المصدر: شبكة بني عبس