المعزب
سلام من الهجوس الي تمارس لعبة الاثقال=عمالقة الشعر في حلقة الحلبه تصارعهـا
لعل العمده القايد يجاوبني علـى السـوال=على شان ايتذوق راعي المعنى مقاطعهـا
العمده
هلابك من هجوسٍ من تغضبها تطق الجال=لها خمسين عام بوسط معلوقي مرابعهـا
تفضل نشدالعمده ولكن لايصيـر جـدال=بديت بطيب لكن كلامتك بالـك ترجعهـا
المعزب
يقولون البداه احيان مايحلالهـا المنـزال=لاصار الدار ماهي يابو تركي من مراتعها
خويك راعي الهاف الحمر لايصدم الدركال=ترى لاطارت اجنوب الشفر صعبه ترقعها
العمده
عـس ماشرجعلـه ماطـرى فـي بالكـم مـرحـال=عس ديـرة سلايـل عبـس ماضاقـت شوارعهـا
انا مالي خـوي ياغيـر خمسـه والرجـال اشكـال=سمي الذيب مع عطوان واخر وانت رابعها
المعزب
عليها البشت والبسام الحمر والرموز عقال=عللي هازها والا درقهـا اطـق اصابعهـا
اثرك الي يقولون العرب باللعب ماله فـال=وانا ادري لو تزول اجبال متغير طبايعهـا
العمده
وصوفك ذي عمت ناس بين قصارها وطوال=تشرقبـي تغـربـي بلشـنـا لانجمعـهـا
الا يامعزب الرحمان تكفـا بيـن المدخـال=لاترفعهـا وتنـزل بالمعانـي ثـم ترفعهـا
المعزب
اشوف السوبر الي سائقه واحد من البنقال=على بيبانـه الركـاب ماتلـزم مواقعهـا
لو الزيدي يباريها معك ويساعـده بتـال=عليك اليوم يالعمـده مثورتـن مدافعهـا
العمده
انا لاحدهذا الوقت ماعرف موجة الارسال=و انا خافنها علومن من افكارك تصنعها
لو الزيدي جايكم مانفعكم ناصر المرسـال=وبتال ان حضر عينك يهل الدمع مدمعها
المعزب
الاياشايب الرحمن سايرها علـى المـوال=ترانا الي الياضاقت علـى مثلـك نوسعهـا
عن حدودك و ذودك نضرب الرجال بالرجال=وبن مرسال من قومـاً بعيداتـاً مرامعهـا
العمده
انا ماني بشايب ونشد اللي يبخصون الحال=تركـد يالمعـزب والسعيـره لا تولعهـا
قبل طيبك بذلنا الطيب فيك وطيبنـا لازال=لاتذيني بطيبك بعدهـذا اليـوم لاسمعهـا
المعزب
انا خابرك متقاعد يابو تركي على ايا حال=عسى عمرك طويل ونفسك تحصل مطامعها
اعرف انك من ارجالاً لها بالمعرفه معـدال=ولكن مابقالك من علوم ارجـوك شمعهـا
العمده
اناماني بميت خل علمن مايسـر البـال=حيات الادمي والموت عند اللي مصنعهـا
بخشم السيف هذا العلم يوم المعركه وقتال=نصبحكم وناخذ من خيار البـل قلايعهـا