[الغطفاني]

كلامك طيب .. قواك الله عليه ..

ولي كلمتي بخصوص زرع الفتن او الطعن بالانساب او امثال مطير الشريكه (الله يشفيه)

القذف بالكتب او باللسان والانترنت موجود بكل الازمنه والامكنه .. الناس ماراح تصدق كلشي دام للهشي رد مقنع ورد مؤدب ومبني على اسس وادله صحيحه ..


والسيده عائشة رضي الله عنها .. ملايين من يسبونها ويتبلون عليها فالكتب او باللسان او الانترنت

وسيدنا محمد صلى الله عليه وسلم .. النبي مرسل .. مئات الملايين ويتبلون عليها فالكتب او باللسان او الانترنت بل يشنون حملات عليه ..


هؤلاء رجل وامرأة .. لو شفنا العالم الحالي والله اطيبهم من البشر مايجي ربع سيدنا محمد او السيده عائشه ..


فما بالك بغيرهم من البشر الطيبين او الاسر او القبائل اللي تذم ... دام هناك اوغاد او حاقدين يذمون اكرم خلق الله ..

مع ذلك اذا هناك من يذم ويطعن فهناك دبلات وعشرات المرات غيرهم يؤمنون بمحمد ويقرون بمكارم اخلاقه واخلاق السيده عائشه ..


لنه القافله تسير والكلاب تنبح .. مايضرهم شي ...


وهالكلام كذلك بالنسبه لبني رشيد اذا حاقد حاسد مستخبي يذم فيهم بالمقابل مقابله 1000 يمدحون ويثنون عليهم .. وهالكلام للعوائل او القبائل او الناس الكريمه ... لابد يوجد لها حقاد وحساد لاتخاف الله ..




نذهب الى كلامك حيث تقول


لا والله يحلم ... هو يفكر جذي ولكن فشل وزاد اصرار القبيله وخلاها ترد على امثاله رد قوي ..
القبيله والله الحمد عمرها مافترقت بكلام ناس حقاد او مجانين ..

من خلال الانترنت والله انه فاد القبيله ...

فمن خلاله اصبحت مواقع بني رشيد كالتالي :

- اماكن ودواوين تجمع لأبناء القبيله بكل البلدان

- مراكز معلومات غنيه اكثر عن القبيله لأبناء القبيله نفسها او القبائل الاخرى وبني البشر عامه

- مركز دفاع عن القبيله

- اخبار اعيان وشيوخ وافراد وفعاليات القبيله (زواج - وفاه 0 تعازي - مباركه - اجتماع والخ )

- ساحات نقاشات لأبناء القبيله (تاريخيه - اقتصاديه - رياضيه - اجتماعيه - فنيه والخ )

- تعارف بين ابناء القبيله بكل الدول وصداقات

- تنظيم وعمل فعاليات وانشطه تخص القبيله (وهذا لاحظناه ونواتجها كثرت بعصر الانترنت )

- مناقشة قضايا تخص القبيله ودعمها ( رشايدة السودان - الاسود الحرة - الانتخابات - القضايا المهمه )

- تقارب اكثر وعلاقات اكبر وانشطه خصوصا بين الكويت والسعوديه اكثر من فتره سابقه قلة فيها الانشطه والتجمعات بالامور اللي تجمع القبيله ..

والكثير من الفوائد .. والله الحمد .. :p


شخصيا .. رشيدي من اهل الكويت من جد جدي بالكويت لي قبيله بالسعوديه نعم .. ولكن ليس لي اقارب مقربين فيها وليس لي تواصل سابق .. ولذلك ارتباط ومعرفتي قليله بالسابق .. ولكن من خلال الانترنت اسهل عليه امور كثيره ... اصبحت اكثر معرفة واكثر تواصل مع ابناء عمومتي وصار ودي ازو ابناء عمومتي بالسعوديه .. وصرت اشوف حتى الكويت بالسعوديه والسعوديه بالكويت .. وبصف واحد .. وهم دائما فيه ..
وفالحقيقه ارتحت من مواقع القبيله اللي قاعد تنورنا وتفيدنا .. وانشطه وفعاليات كثيره تخص القبيله اصبحت تنبثق منها .. واخرها مهرجان الموروث بالكويت .. من خلال الانترنت تم اخونا فواز الدواي مناقشته وطرحه وتفاعله .. وتم ونجح والله الحمد .. كويتيين وسعوديين


وقضايا رشايدة السودان صرنا نتباحث فيها كلنا كويتيين وسعوديين على طاولة وحده

ومشروع الخيري ومشروع رابطة الرشايدة والانتخابات واخبار القبيله ككل .. صرنا اكثر درايه ونقاش ومواصله فيها ..

باختصار اصبحت مواقع القبيله هالموقع الطيب والدواوين وعبس وغيرهم .. قناه تلفزيونيه تخص الرشايدة وتوجه ماده دسمه لهم وتواصل بين ابناء العمومه واخبارهم وتزيد الترابط ترابط .. وكذلك موجهه لغير ابناء القبيله عن انشطة وترابط وفعاليات ومهرجانات وفعايل وتاريخ هالقبيله بكل الازمنه .. حتى عصرنا هذا .. اللي هو مازال مرأة للماضي الطيب ..



فالحمدالله اقولك .. انه لامطير الشريكه ولاموقعه ولاغيره يقدر يزرع فتن ...


وانت لاحظه بينك وبين نفسك .. كسعودي من ابناء القبيله .. هل زاد ارتباطك ارتباط بابناء عمومتك بالكويت .. وهل زادت معرفتك بانشطة القبيله فيها .. اخبارها ... والخ من الامور التي تزيد القبيله تلاحم .. ستجد ومتأكد الاجابه بنعم .. ;)


واحمد الله على هالحسنه اللي قاعد نشوفها من انشطه تخص القبيله صرنا من خلال مواقع القبيله ناقشها ونتحرك لأجلها .. لأجل اسم القبيله .. والنتائج واضحه امام اعينه والله الحمد

وسيكون لي رد يخص مطير الشريكه .. لوحده .. عن تاريخه وكيفية الرد على امثاله بسهوله تامه ..