قال الشاعر بليعيس ناصر بن سعيده الرشيدي هذه القصيده :
يالله ياللي قاهرن كل جبار
وسامع دبيب المل ليلة دجاها
وانت الكريم وعالمن كل ماصار
من مبتدى الدنيا الى منتهاها
يافارجن شدة هل الكهف والغار
ورفعت عنهم ماثقل من حصاها
وفرجت للسقا وهو كان محتار
وودعت مافي قربته غير ماها
وفلقت عن موسى غميقات الابحار
وخسفت في فرعون زمرت طغاها
ورزقت حجرف يوم خلي على الدار
في ذود مصلاحن نصته بعصاها
وحملت مريم وهي مامسها ابشار
ورزقتها بعيسى من اكرم ضناها
يالله يامنجي محمد من النار
حيثك سميع لدعوته لا دعاها
تفرج لقلبن فيه دقات الافكار
بالسباب غطروفن كواني هواها
ولا يخلص الديان كثرات الاعذار
ولا يسقي العطشان ظحظاح ماها
والله على منقدم قصاف الاعمار
من حصله ياعيد والا نساها
بنت الرجال اهل الشرف واهل الكار
اللي على البده قليلن غثاها
ربعي هل الطولات وافين الاشبار
الابه اللي ماتشح بعطاها
اللي تعز الضيف ياعيد والجار
وكم هئة فيها تدمر عداها
بني رشيد مدللت شقح الاوبار
قبيلتن تحجي ويذري ذراها
وســـــــــــلامـــــــــــتـــــــــــكــــــــــ مـ
