شاعر عدا براس الراس الابيض ثم غنا=سند الحره وذعذاع الهوى يطرق شليله
قال صلينا على محمد وبالله استعنا= يالله انك تحفض الخطوه على درب الفضيله
العيون يشوقها نو على سلمى تثنى=كن سلمى من فرحها فيه تلفح بالجديله
وانت ياسلطان سلطان القلوب اللي تمنى=شوفتك قبل الغمام وقبل براق المخيله
راحت ايام الغياب الموحشه والبيض جنــا=.والقدم طابت عقب ماضامها حمل(ن) تشيله
يوم زال الباس عنك وجيت زال الهم عنا= ليلة مامثلها ياسيدي بالعمر ليله
ياهلا بك وابرك الساعات ياعزوة وطنا=ياعريب الساس راع الباس حمال الثقيله
ياولد عبدالعزيز الفيصلي فلتة زمنا=الزعيم اللي بنا الوحده وشرع الله دليله
أنورت حايل واهل حايل وكل(ن) بك تهنا=واللــــــــه انك ياطويل العمر شرفت القبيله
والله ان الشعر في مدحك بغيناه وزملنا= انت تبغى الصدق والله مالنا بالمدح حيله
مير زان لنا مكانك بيننا والشعر ثنا= حي فالك ياسحاب الجود كساب الجميله
سيدي والله لو تامر على الرجال منا= يفتديك العمر ماتلقى بنا روح بخيله
سيدي حنا سلايل عبس حنا عبس حنا=سعد عين اللي اليامنه نخانا نعتزيله
دون حد الدار وان بغت منا ومنا=والجهات الاربعه والخامسه والمستحيله
تلك الرائعه تستحق التنسيق
والزعيم غني عن التعريف..