إن حل طيفك حبيبي زاد ترحيبي =واقول يامرحبا واهلين ياعمري
ياضيف قلبي ويا جملة معازيبي=ياصوت حزني ويــــاحب الغلا العذري
لاعذربوك العباد اعـــشق عذاريبي =عذروبي انــــت الوحيد وسمعتي عذري
والله احبــــــك ويشهد عالم الغيبي =ماظني اغلاك قبلي واحدن كثري
لا تطري البعد وانت أغلى مطاليبي=الحزن بدري عليّه والجفا بدري
يابعد روحـي حبيبي وانت تدري بي=إن الجفا ياحبيبي يمتحن صبري