[ممدوح العريض]

اسف كل الاسف على غيابي اللي كان خارج عن ارادتي

وعلى ذكر الغياب اهدي لكم هذي
7
7
7

[poem="font="Simplified Arabic,5,white,bold,normal" bkcolor="transparent" bkimage="images/backgrounds/77.gif" border="solid,4,green" type=1 line=1 align=center use=ex num="0,black""]لا يانجوم الليل صاحبـك ماتـاب=عيت عيونة لاتفـارق سهرهـا
يضحك ودمعه حاير بين الاهداب=يخاف تنزل دمعتـه ويحشرهـا
والجادل اللي جرحها مابعد طـاب=قولي لها ممـدوح راح بخبرهـا
قولي لها يذكر مواعيد الاحبـاب=مافيه لحظـة عـدت الا ذكرهـا
أول لقا واخر لقا و اول عتـاب=و أول رسايلها واخـر صورهـا
كانت رواية كانت عيونها كتـاب=كانت دروبي كنت هاوي سفرهـا
كانت قريبة والبشر كانو اغراب=كانت صباحي كان ليلي شعرهـا
كانت وكانت قبل تتفتـح ابـواب=اجمل ليال العمر كانـت قمرهـا
كانت حقيقة لكن الوقـت كـذاب=طوى السنين الماضية واختصرها
غابت ولا اذكر فيه للغيبة اسباب=راحت وراح العمر وانا انتظرهـا [/poem]