حيا الله اللى يغيـب ويسـرع الـرده
اللـى يجينـي الـى منـه تباطانـي
قلبـي يـوده و حالـي كنهـا القـده
ودي بشوفه ودونـه حـوم عقبانـي
يا صاحبي جارك الله وش ها الصده
مهـوب حـق تولعنـي و تنسـانـي
ان كان عندك حكي بي خامل السـده
فانت المصدق وانا حقي ومـا جانـي
اهرج على ما تورى والبخـت بـده
لا تستحـي يابعـد حـي وحيـاتـي
ترى حلاة الهـوى لا طالـت المـده
مهوب يوم صديـق ويـوم قومانـي
وان كان ما انت بمصافيني على الشده
وقت الرخا واجـد ربعـي وخلانـي