لكم
.
.
.
.
.
.
هذه المتواضعة , أملاً أن تحوز على رضاكم وأستحسانكم !!
عز الله أني بعيد مْراس = وإن الطواريق شرهاتي
الحب لو يجحده قرطاس = وإلا تخونه رواياتي !
ينبض به العرق والحراس = عوج الضلوع النحيلاتي .
مداه لو يتعب العساس = بلسم على الجرح بالذاتي
أقولها والجفن حساس = من هدرة الدمع بسكاتي
البارحه وش تقول الناس = عن غيبتك ؟ عن متاهاتي !
في ظرف ساعة شربت الكاس = من علقم المر وآهاتي
عليك يالمترف المياس = حزني وكسرة طموحاتي !
أقولها والوداع افلاس = خسارةٍ من خساراتي .
من بادر الحزن والأحساس = ياحسرتي .. ياأنكساراتي !
قدحت لك في طرف كراس = وناديت لك فالطويلاتي ..
واليوم جحداني , النبراس = وآمالي , المستحيلاتي .
لا باس , يادمعتي , لا باس = من الجفا , والمداراتي :
عز الله بعيد ْمراس = وإن الطواريق شرهاتي !
على هجوسٍ قدح فالراس = ووثقتها في سجلاتي .