شاعر الحره
ياسلام الله عليكم والهواء يصفق شمالـى=وشاعر الحره له حقوقً على راع الحقوقى
يامعازيب الضيوف وياكريميـن السبالـى=القدر ليلـه عظيمـه لليديـن وللحلوقـى
سبع الفلا
مرحبا والبـرق يبـرق والهـوا سـاق الخيالـي=وكان ألك حق ابشر ابشر باليـدام وبالغبوقـي
المعـزب سبع..متربـع علـى حمـر الـزوالـي=والضيوف احرار والاعراف والعاده سبوقي
شاعر الحره
البقاء يلى ترحـب بالبعيـد وبالموالـى=والحقوق له رجال وانت منت بسروقـى
دامك معزب وتفهم فـى مناقيدالرجالـى=ياسبع مالحا لك برق الوسم قبل الشروقى
سبع الفلا
شاعر الحـره لـزوم ايصيـر عنـد السبـع غالـي=ماسرقتـه مـيـر ذوقــه حـطـه الله مـثـل ذوقــي
السماء ملسا وأنـا سرحـان فـي رؤس الجبالـي=نوب ظل الضلع من تحتي ،،ونوب الظل فوقي
شاعر الحره
شاعر الحره رجل مابين عمـان وخوالـى=وانت نوقك وسمت والوسم ماهو وسم نوقى
السماء ملسا وظلـك صوتولـه بالدحالـى=ياعريب الساس ماتلحقـه لونـك لحوقـى
سبع الفلا
لـيـه قـبـل اشــوي تـكـذب جـعـل مـالـك ..مـنــك ..والـــي=وكـيـف شـفـت الـنـوق تـوسـم يــا عـسـى مـالـك خـفـوقـي
مـــن يـنــادي ظـلــي الــلــي مـنـحـنـي مــثــل الـهـلالــي؟=تلحقه كانك سبوق ..اسبق من الكلب السلوقي
شاعر الحره
مـاكـذبـن يـاعـريـب الـســاس يـامــال الـسـلالــى=المـهـم انــك عـلــى مـاقـيـل يالـقـلـب مـحـروقـى
اسـمــك الـــى تفتـخـربـه لا حـــرام ولا حــلالــى=ماعطاه الله عقل وقالها رجلً صدوقى
سبع الفلا
اذكـــر الله واشـــرب الـفـنـجـال مــــن صــفــر الــدلالــي=لاتحسب اللي برأسك ..تخْرعك .كثر الفلوقي
اســمــي بــوقـــت الـمــلاقــاء والـمـجـابــه رأس مــالـــي=يـــوم شـاعــر حـــرة الـحــره مــــع الـحـلــق امـخـنـوقـي
شاعر الحره
الله اكبـر يـخـزى الشيـطـان ملـعـون الرسـالـى=يابوشارب منهلس والدقن ماهو بمحلوقى
حـرة الحـره حمـاهـا شـاعـرن وقــت القتـالـى=يحسب احسابه يومن الخايفه جتها الطلوقى