[GRADE="D2691E 4B0082 D2691E 4B0082 D2691E"]
واليكم احدى قصاااائد شااااعرنا
لأهل القصيد
هات القلم يا ذيـب دامـي تسليّـت
أحسّ شيطاني حضـر فـي مكانـه
قبل أمس حافتنـي قوافـي وعييّـت
واليوم شعـري ودّي أطلـق عنانـه
ياللي تنقصنّي بشعري ليـا أقفيـت
وتقول "شاعـر" كنّهـا لـي مهانـه
قالوا لي إنك فـي غيابـي تزرّيـت
وقالوا كلامـك فيـه ريحـة لعانـه
كذّبتهـم لكـن بعـد مـا تقصيّـت
وإليـاك غـارق بالعفـن والنتانـه
احترت فيك وشفت نقصك وغضيّـت
وأقـول جاهـل مـا يحكـم لسانـه
صابر عليك وجـا كلامـك وكنّيـت
مـا قلـت يـاراع الخنـا والعفانـه
واليوم دامـك بالـذي قلـت قرّيـت
جلّستنـا مجـلاس مابـه ميـانـه
مدري عطيتك وجه وألا انت جنّيـت
وألا أنت ثـاوي ماتعـرف الرزانـه
تسّب شعري ماعـن السّـب كفيّـت
إن كان عنـدك نقـد بيّـن ضمانـه
واحفظ لسانك يكفـي إنـك تخزّيـت
والشعر يا جاهـل بالأشعـار كانـه
يوذيك روح إن شفتني فيه سجّيـت
ما أجيب شعري وأخزنـه بالخزانـه
مسكين ما ألومك بعد ما أنك أخطيت
ماتدري إن الشعـر عـزّ وحصانـه
يا جاحد الزينات لـو انـك تماديـت
ما فـي ضميـري للمهابيـل خانـه
الشعـر نادانـي بصوتـه ولبّـيـت
لفيـت سهـران وغفيـت بحنانـه
والصبح في بستان الاشعار عدّيـت
وأخذت مـن ورده ومـن قحويانـه
بحثت فيه من الولـع ليـن لاقيـت
الوزن "فـارس" والمعاني"حصانـه"
والحرف ما أجيبه على حرف غنيّت
تحسب عليّ مـن القصيـدة رعانـه
ويوم أمتحّني هاجس الشعر عانيـت
إلين مـا عدّيـت صعـب إمتحانـه
والله ما أفخـر يـوم للشعرضحيّـت
لكنّـي أغليتـه وعلـيّـت شـانـه
لأهل القصايد سقت وأخذت وأعطيت
وأهل القصايد هـم رجـال الذهانـه
أهل السعة يا مـا عليهـم تشكّيـت
أهـل الوفـا والفكـر والاستكـانـه
يدرون وش في عمق الأبيات خبّيت
كـنّ القصايـد فـي يدهـم رهانـه
هذا كلامي لـو بـه النـار حسّيـت
فيه إتعلّـم كيـف تنسـى الخيانـة
خذها نصيحه كلّ ما أصبحت وأمسيت
"من صان منطوقه من العيب صانه"
وخذ هالسؤال ونفسي تـردّ ياليـت
نفـس تـردّ بكـلّ صـدق وأمانـه
رجاّل ما ينظم من الشعر لـو بيـت
كيف يتخارج من صـوادف زمانـه؟
للشاعر / فيصل البركــــــــــــــــــــــــــــي
[/GRADE]