[عبيد الله دعيع]

اقتباس من مشاركة عبدالله السكات يابو طلال حاولت اكتب مرد ولكن كل القصائد تقصر عن ايفاء قصيدتك حقها لكن هذا مردي واعذرني على القصور ياهاجسي والشعر مبدأ ونيات=يبقى فخر واهل الفخر كاتبينه خذ شكر عبدالله لراع الجزيلات=لــ بو طلال اللي يقود السفينه راع الوفاء والطيب والواقع اثبات=لهل الفعول وفعلهم مكدينه الهم بوقت الشح والحف مدات=تغني بعون الله نفوسن حزينه والهم مع اهل الراي والعرف صولات=ووقفاتهم تذهل عقولن فطينه واللي يبي منكم مكاسيب هيهات=يوم الوغى فعل النشاما يهينه ربعي ودرعي في نهار المهمات=والرجل فخره في ربوعه ودينه وفي موطنه يفخر وفي عبس بالذات=فخري وكل انسان تقداه عينه وانتم هل العلم الوفي والبطولات=تشهد لكم والمجد متوراثينه والخاتمه يحفظك رب السماوات=يابو طلال اللي تقود السفينه وهذي حبة خشم واعذرني على القصور يابعد راسي

أخوي العزيز وأستاذي القدير / عبدالله سكات ردك وافي وقصيدتك جزلة من رأس جزل درة من الدرر أنا فخور بردك وأفاخر وأتفاخر بين ربعي أن شاعر فحل مثل عبدالله سكات يرد على قصيدتي المتواضعة فشكراً جزيلاً لك كفيت ووفيت يابو مشاري... حفظك الله دائمً وأبداء تقبل خالص الود والمحبة .أخوك أبو طلال