حصلت ووصلت فيك من غير تفكير=لكن عساها يوم حصلت تعدي
ولافيه عنها يوم حصلت معاذير=ولا فيه لو صديت عنها مصدي
قصة لها خطه وشطه وتاثير=جميع شي بوقتها صار ضدي
ابا اتحملها ولو هي مخاسير=لو هد منها الحال والحيل هدي
والنفس منها حاشرتها حواشير=حاولت اهديها وعيت تهدي
ياليت لي جنحان يارب واطير=بأي طريق(ن) عنها غثاها يودي
عن وضعها تعجز قصايد وتعبير=اشوى وإلا انباح للناس سدي
جتني بلحظه مابراسي عياطير=ياقو طعنتها وياضعف ردي
أن الله احياني تهون المشاوير=وأن مت من تأثيرها موت جدي
ياشينها لا جتك من غير تحذير=وأنت متعشي زين والا متغدي