محاوره بين مستور العصيمي
العتيبي وذيب الشمري
ذيب الشمري :
يقول المعزب مرحبـا وابـرك الساعـات
يـدوم التعـاون للشـعـوب الخليجـيـه
الا يالعصيمي عنـدي علـوم محفوظـات
من اشهر وعندي لـك دروسٍ خصوصيـه
رد مـسـتــور العصيمي العتيبي قـــــال:
يـدوم البقـا والله يصلـح لنـا النـيـات
اغنـي بهـا بسمـي وبسـم السعـوديـه
انا اعرف علومك خلهـا همـزةٍ بسكـات
ويحتـار فكـرك بيـن هــذي وهـذيـه
رد ذيـــب الـشـمــري:
بعـد جالـك الفنـان واعطيتـه الابيـات
قصـايـدك غنوها(فواصل)موسيقـيـ ه
تكلمـت بالاحيـاء وشهـرت بـالامـوات
كـلامٍ يسبـب ضغـط وامـراض نفسيـه
رد مـــســــتــــور العصيمي العتيبي :
نصحت الولد عن ذي السوالف عشر مرات
لكن فـي راسـه راسـه ثلاثيـن جنيـه
انا معك وانته معـي لاتلحـق اللـي فـات
وربـي شـرّع لعبـاده احكـام شرعـيـه
رد ذيـــب الـشـمــري:
تبـي تنصـح الرعيـان بالدبلماسـيـات
ولاعنـد رعـيـان الغـنـم دبلماسـيـه
ضروري من الماضي نطوّف بعض صفحات
ولا كـل صفحـه يالعصيمـي ضـروريـه
رد مـــســــتــــور العصيمي العتيبي:
جميع الرجال ارجال ميـر العقـول افـوات
بعضهـم يـروح ولايجـيـب الامـاريـه
عسى الله يبعدنـا عـن الشـر والنكبـات
والارواح مـامـوره والارواح منـهـيـه
رد ذيـــب الـشـمــري:
اذا نترك الواقع ونمشـي علـى الرغبـات
تضيع الكثيـر مـن الحقـوق الجماعيـه
عتيبـه صداقتهـا تجيـان علـى دفعـات
ثلاثيـن بالمـيـه وخمسـيـن بالمـيـه
رد مـــســــتــــورالعص يمي العتيبي :
الا ياصحيبي ضم صوتـك مـع الاصـوات
ومن يعمل الحسنـات مـا يعمـل السيّـه
ياذيب الذيابه صـرت علـه مـن العـلات
نجهّـز علـى الاصحـاب قـوات حربيـه
رد ذيـــب الـشـمــري:
الا ياعتيبـه رشـوا الارض بالخـيـرات
ينـام الغبـار اللـي يثيـر الحساسـيـه
عفـا الله عنكـم خففـوا حـدة النعـرات
نقول القلـم مرفـوع والصحـف مطويـه