أخواني متصفحيّ ومرتاديّ الصرح الشامخ..قلعة المجد..شبكة بني عبس؟
دامت أيامكم بالعز والمسرات.
إليكم هذا البوح الذي كنتم سبباً له...وكنتم أيضاً أحد أطرافه:
إلى مضارب عبس...مع التحية:
يا دار عبس وسلايل عبس...
مجدك تليد=ياديرة أهل السيوف اللي عداها غماد
إلى عبس...
إلى سلايل عبس...
هل تعلمون من أنتم بالنسبة لي؟
يا دار جيرة هلك للجار حظٍ سعيد=
جيرة..
وخوة..تميزهم ما بين العباد
يا دار حصن الدخيل مطوعين العنيد=يلقى بك
الضيف والعاني بلوغ المراد
أيها المضارب العزيزة؟
أيها الدار الغالية؟
هل تعلمين من أنا بالنسبة لك؟
الإنتماء والهوية لك
مسمى رشيد=لو فرقتنا الحدود وطال عمر البعاد!
ماني من عيالك!
ولكن خذيني حفيد!=دامي مع أهلك ربيت أيامٍ بلا إعداد
واللي بحرفين يفعل ما يشاء ويريد=إني بذرت العقل بأرضك! وفكري حصاد!
أيها المضارب الغالية؟
أيها الدار العزيزة؟
هل تعلمين من أنتِ بالنسبة لي؟
يا داري أنتِ
رصيدٍ ما يساوى برصيد=أنتِ
رصيدٍ منزه عن قصار الأياد
خليك عن من طفح كيله ومد الزهيد=رمز لكرامة كريم وقدوةٍ للجَّواد
أيتها المضارب الشماء؟
هل تعلمين ماذا تعنين لذكرى صباء كهل الصباء؟
يا دار ذكرى الصباء
برباك تنزف قصيد=بأرضٍ ذعاذيعها يسمى عليها البراد
ذكرىً مدى العمر تبقى لي سعادة وعيد=أعيدها كل ما همي على القلب زاد
أعيش فيها مع الماضي وأكرر وأعيد=مقاطعٍ من تراجيدي بمسرح وداد
كتبتها بخطوة أقدامي وصفحات بيد=من عمري اللي من أطلالك لنصه مداد.
..................................
يا دار عبس وسلايل عبس...مجدك تليد=يا ديرة أهل السيوف اللي عداها غماد
يا دار يلقى بك المضيوم عمرٍ جديد=يلقى بذراك لسهر عينه لذيذ الرقاد
يا دار جيرة هله للجار حظٍ سعيد=جيرة..وخوة..تميزهم ما بين العباد
يا دار حصن الدخيل مطوعين العنيد=يلقى بك الضيف والعاني بلوغ المراد
يا راوية مجدك الزاهر بعمر مديد=لعيون وأسماع من يبغاء الكلام الوكاد
الإنتماء والهوية لك:مسمى رشيد=لو فرقتنا الحدود وطال عمر البعاد
ماني من عيالك! ولكن خذيني حفيد=دامي مع أهلك ربيت أيام بلا إعداد
واللي بحرفين يفعل ما يشاء ويريد=إني بذرت العقل بأرضك! وفكري حصاد
واللي توقاء عن الحسنات سيئة جحيد=يوجس بقلبه لظى الغيرة ولبس السواد
يا داري أنتِ رصيدٍ ما يساوى برصيد=أنتِ رصيد منزه عن قصار الأياد
خليك عن من طفح كيله ومد الزهيد=رمز لكرامة كريم وقدوةٍ للجّواد
يا دار ذكرى الصباء برباك تنزف قصيد=بأرض ذعاذيعها يسمى عليها البراد
ذكرىً مدى العمر تبقى لي سعادة وعيد=أعيدها كل ما همي على القلب زاد
أعيش فيها مع الماضي وأكرر وأعيد=مقاطعِ من تراجيدي بمسرح وداد
كتبتها بخطوة أقدامي وصفحات بيد=من عمري اللي من أطلالك لنصه مداد
أيام كانت عيوني بين عنقٍ وجيد=تحلم بكشف المزيد ولا تعرف السهاد
خلت التباعد مجرد فكت إيدٍ من إيد=وخلت التواري عن الأعين لظرفٍ يُراد
ومن عاش عمره عقب قرب الحبايب بعيد=يعزف على أوتار قلبه ونة الإبتعاد.
مع تحيات وإحترام/كهل الصباء.