[البدر المهاجر]

[FRAME="9 70"]اشكي مع الأيـام لوعـة سنينـي
وجور الليالي يوم نور القمر غـاب
طبعي حزين ونظـرة الهـم فينـي
ودمعي غزير إذا تذكرت الأحبـاب
غبنا وهم غابـوا وتعبـت يدينـي
تكتب على صدر الالم لوم وعتـاب
مدري الوم ظروف شاعر مدينـي
ولا الوم قلوب تجرح بـلا اسبـاب
البعد موت وعانق الدمـع عينـي
أنا وحيد.. وكل هالعالـم أغـراب
أقسمت أنا كلـي وفـاء صدقينـي
أموت.. ما افتح للخيانـة ولا بـاب
أنا سقيتك عشق واضـح مبينـي
وقلبي أسير..و من لهب غيبتك ذاب
شوقي وعشقي والوله والحنينـي
ولحظة الم والجرح نازف ولا طاب
يا روح روحي بالوصل عالجينـي
الجفن يشكي من جفا ظل الأهـداب
الشـك آفـة والعـلاج اليقيـنـي
والصبر واجب والهوى دوم غلاب

وســـــــــــلا اااامتكــم[/FRAME]

الموضوع الأصلي: طبعي حزين ونظـرة الهـم فينـي | | الكاتب: البدر المهاجر | | المصدر: شبكة بني عبس