الشاعر عوض بن خيران مبدع بكل ماتعنيه الكلمه من معاني ... ومن يتابع شعره يجده ليس شاعر عادي أبدا ً
أنه فلته من فلتات الزمان .. وقلعه من قلاع الشعر ... وهذي قصيدة حبيت أقدمها لكم وأرجو أن تنال اعجابكم كما نالت اعجابي :
يقول أبو ســـــــامي :
طال الزمان وشيبت منه الاشناب = وخلا سديد الراي يبلش بحاله
ماحصلوا غير الاهانه والاتعاب = ونذالتن ما من وراها نذاله
ومن سلم منهم مابقت عنده اعصاب = راسه يحوم وجافلن من ظلاله
وياسر يامكتوم ياقفل يا باب = يا غزوتن ما فال الاجواد فاله
قامت تعزوا دونها روس واذناب = وقلة حيا وأصوات عدك بصاله
امشربكه واسبابها عدة اسباب = ومن ما سلم منها فقد راس ماله
وللخيل خياله وللنار شباب = وللحرف تفسيره وللشر زاله
ووقتك لعب بشعوب واملوك واحزاب = في وقتنا الحالي وعصر الجهاله
وياللي تقول الوقت وش حط وش جاب = بينك وبين العرف سيف العداله
يضحك وله قرصة مثل قرصة الداب = وأن انكتم عده مسون جماله
واللي يجي طيبه مع الوقت لا طاب = لا شان فيه الوقت ماسر حاله
لا قاضين حاجه ولا فك الارقاب = ولا ثايبن عمه ولا ثاب خاله
وكم من زحول ارجال يحسب لها حساب = وكم من ضعوفن ودها بالرجاله
والمرجله عذرا تطيب بالاطياب = قلته وقبلي صاحب العرف قاله
ياما هفا بأسبابها صقر وعقاب = خزيزة الطيب وترثة عياله
وكم واحدن يلبس لها بشت وثياب = وكم واحدن تصفق يمينه شماله
وأحدن طرت له يوم نور القمر غاب = وأحدن ماهي عنده ولا هي بباله
وتمت وغني ياحمامه للأحباب = غني وجور الوقت مالج وماله