[فهيد ابن عليط]

اقتباس من مشاركة سعد المظيبري من منا لم يعرف الشاعر المبدع مشعل النون الرشيدي < العبسي وهنا وقفا مع ابداع الشاعر الليل ما غطي بدر والشمس يحجبها كسوف=والمرء تعرف نيته من منطلق عمايله تعال يا أسمي غلا يسعي علي راسي ويطوف=بعلمك عن ماشكى صدري وعن شكواي له أبشرح الموضوع كله وانت قلي وش تشوف=تعبت اجامل خاطرك وأقدره وأحايله كم لي أردد جملتي ياالله عسا الصبر مخلوق=من مهمهيه خافق بذل سبب اوسايله الصد جامد من صخر والحب خافقه عطوف=مسكين مفهوم الحنان إللي عكس ستايله لو ان شوقي مكتبه ملأت بي كل الرفوف=لو ان قلبي مجتمع يتمت فيني عايله وإنجيت احسبك فالغلا طلع عدد ماله وقوف =ومتوقع إني مااوصله علي كثر ممشاي له وانت اتثاقل كلمه أحبك وهي من اربع حروف=الظاهر ان المسأله بيني وبينك طايله أطلب سعادة شوفتك وتقول لي حكم الظروف=وانا علي شوفك نذرت اصوم وأذبح حايله يعني مطوفها علي ( ياالله علي شانك تطوف)=مع اني ادري وش ورا حدب الضلوع المايله وغلاك تدري شي واضح يا حبيبي ومعروف=واكبر دليل انك موريني نجوم القايله الوضع جدا مختلف مافيه داعي للحلوف=ماهوب انا اللي قلتها وجه المعرفه قايله لالاتوظفني غلط مااعتبر ضمن الصفوف=انا تعداهم نجم وبيوت شعري هايله شاعر مفوه واتقدم واكل السان الخروف=والحمل باذن الله ظهر المعاني شايله لكن علي قول المثل حط النقط فوق الحروف=مادام تدري باخر الدنيا دبور وزايله وحدة من الثنتين قلها يا مواصل يا نكوف=لاني تعبت امسي علي برق الأمل واخايله وبعد التفت حسنك وتمتم بين أوف وبي اوف=صار الجواب بصمت مضمون الدموع السايله قام يتبعثر حزن ويمش العباير با الكفوف=والليل موحش والهوا يلعب علي جدايله لقاء كان يعلم العشاق كيف يذوب جوف=الحزن والتجريح والتنهيد من سلايله اقبل علي دمعه لقا واقفي علي فرقا وخوف=واصبح علي وجه الندم من منطلق فعايله الوضع جدا مختلف مثل النويا والظروف=مثل اختلاف الخلق كل تظهره عمايله وعلي انتظار ردودكم ////

كم انت رائع يااااااا مشعل العبسي..


والشكر لك الاخ سعد...