البارحة ضاقت بي فجوج البسيطة...وجهدي=أصبح هبآ منثور لو عزمي مثل صلب الحديد
لاضقت من جور السنين ولاتراخت له يدي=لكن على قول المثل دور على الشدة شديد
يأبو محمد ياذراي وتاج رأسي وسندي=يارأس قوم تفتخر بأفعالها بني رشيد
ياعلي بن هلال راع الطيب والكف الندي=ياوسام شعر يفخر بشرواك يافخر القصيد
ياقدوتي بالطيب...ونبراسي لا ظل المهتدي...=<مثلي لاصارإن قدوته شرواك لايمكن يحيد>
أبوك شيخ دون ربعه بارز مثل الجدي=وجدك بعد شيخ وعقب شيخ وللشيخة حفيد
ياسيدي...وياسيد ساداتي...وسيادة مسندي..=وقفاتك تنومسني ويفخر بها الرجل الرشيد
لأنها مواقف نابعه من رجل ميدانه مدي=بشجاعة..ونخوة..وفزعة...تسند برأي سديد
يأبو محمد لمة الأقراب...عيدك يابعدي=يامبهج وجه الصديق...مطوع الرأس العنيد
ملجم فرس خيرك...بشر عن يدين المعتدي=ومسرج فرس شرك..بخير عن يدين المستزيد
وإقبل تحيات ولد...يفخر إذا قلت ولدي!=وصلك وهو كله فخر...لأنك بوقفاتك فريد!!.
|
قصيدة اعجبتني صح لسانك يابن شلاح وابو محمد يستاهل