حارت الرجل يوم العيـن شافـت محلـه = كن دربي مسكر من خلافـي وأمامـي
أه ياوجـد حالـي وجـد مــن ذاق سـلـه = ولانفـع بـه علاجـه وأنتشـر بالعظامـي
مـايـنـام الـنـهـار ونـــوم لـيـلــه يــزلــه = من سقم حالته مـاذاق حلـو المنامـي
او وجود السجين اللي قضا العمر كلـه = تحـت حكم(ن)مؤبـد مايجيبـه محامـي
وشـاف بالعيـن قهـره وعتـرف بالمذلـه = لحيـاة(ن)مـع العـالـم ولا حــظ قـامـي
او وجـود الـذي بالطـائـره شــاف عـلـه = وشاف بالموت عينه قبل تنزل حطامي
من وليفـن لـو أقفـى كـل شيـن فدلـه = لوا هجرني بقـا عنـدي عزيـز المقامـي
وكـل مايطلبـه منـي وأنـا أقـدر حصلـه = لـو معـه قيمتـي قلـت وقـل أحترامـي
أشـهـد أن الـغـلا راعـيـه ملـكـآ لـخـلـه = ولايحسـب لهـرجـآ مــن وراه ومـلامـي
بـس يتبـع هــواء خـلـه وهـمـه رضـلـه = حالته مثل مـن حالـه بسـن الفطامـي