يمكن تصير أقرب من الرمش للعين = ويمكن تجي بعد الثرى للثريـا
أنا آدمي لـي قلب اله قسـوة ولين = وان ما لقى منزاله العز عيـا
أخاف يلحقني مـن اللـوم بعـدين = وأخـاف يبقى للرجاجيل شيـا
ودايـم أحسبها وأنا عـارف زين = مدخـالي ومخراجي ليا تهـيا
ترى الرجل مثل النجم فعلـه يبين = لو قالـوا الحساد ماله خفيـا
يبين فعـل مرجحـين المـوازين = وينحاز فعل السي لانسان سيا
جـرد السنين تطلع الزين والشين = ومـن دون درس يعلمنه بليا
ومن عـاش منكم يارجال فهيمين = في راس صاحي وبظمايره حيا
تجيه غلطـات مني اللـي قريبين =وتجيه مـن رجل مشطر حميا
وياخذ دروس مـن الليالي لبعدين= واخر علاج لبعض الامراض كيا
الشاعر : نشمي دغيمان الرشيدي