لاتحسبني يـوم اجافيـك مابيـك
وضحت بالتفصيل كـل الحقيقـة
ابعدتني لحظة غضب قبل اهنيـك
وكل(ن) عسا ربي يسهل طريقـه
كم دمعة(ن) من بالغ الشوق تبكيك
وطيفك يجـي بالثانيـه والدقيقـه
رغم القساوة والجفا الله يراعيـك
املك مشاعر والمشاعـر رقيقـه
كم ليلة(ن) تسهر عيوني تراعيك
على الوثيقه مانقضـت الوثيقـه
وعلى النقا صار اللقا يوم احاكيك
والا الوداع القلب صعب(ن)يطيقه
رضيت بالمقسـوم والله يجازيـك
ماهي مشاعر زيف هذي حقيقـه
كتبتهـا مـن دم قلبـي تناجيـك
وسرك حفظته بالبحـور العميقـه
ارحل وهاجر مابقى غير ماضيك
احفظ عهد ودك ونفسـي طليقـه
ارحل وودعني فلانيـب ناسيـك
يبقى الزهر يانع وينعش رحيقـه
ارحل عسا رب المخاليق يحميـك
وتبقى الجروح اللي بقلبي عميقـه
وتبقى الضلوع مجوده قلب مغليك
والله يوسع خاطر(ن) فيه ضيقـه
/
\
/
\
واتمنا ان تعجبكم