مالي بدمعه على خد القمـر حاجـه
الدمعـه اللـي تعذبنـي بأدبـهـا
قلبي بغصبه غصب يفـل احجاجـه
ويضحك مع الناس واللوعه يحاربها
بعلمه كيف يكسب حربـه وتاجـه
ويحرق فؤاد الذي روحـي معذبهـا
بعلم القلب مـن طبعـه ومنهاجـه
بحفظ دروسه وعلى قلبـه بجربهـا
بسقيه مر الجفا واضيـق افجاجـه
الين روحه تضيق ابهـا محادبهـا
بسوق جيشي عليه ابزمرة افواجـه
رايات نصري على دربه بنصبهـا
بتعبـه واتسبـب دوم بزعـاجـه
بسكن في روحه واستوطن مضاربها
بشب فيها لهيـب اشـواق وهاجـه
انفاس صدره بنار الوجـد الاعبهـا
الين روحه تصيح بصدق محتاجـه
لعيوني اللي بنظرة شـوق تطربهـا
بعيشه وسط بحر ٍ تلعـب امواجـه
تهيم روحه ولا تاصـل مراكبهـا
بعلمـه ان عينـي شعلـة اسراجـه
نفسه بدوني ظـلام الليـل يرعبهـا
بخلي رجلـه بدربـي دوم دواجـه
تاصل على الدرب ماتلقـى متعبهـا
ابهلكه ثم ازيـد ابلوعـة احراجـه
هواجسـه لـو تعدانـي بحاسبهـا
امشي معه بالوفا ويقول منعاجـه!!
دامه كذا قلـت اخربهـا: اخربهـا