(( خافي ربك ))
يابنت خافي ربك وطاري الموت
قبل الممات وقبل يوم الحسابي
الصوت ماينفع ليا فاتك الفوت
والوقت بيدك لاتقولي غزابي
مردنا يا بنت نرقد بــتابـوت
واجسادنا مابين هاك الترابي
لحْد وظلامن فيه ماينسمع صوت
ماغير صوت نعال ربعك ، يهابي
المشكلة نتبع ثقافات سربوت
نتبع طريقه ، والنتيجة خرابي
قالت حضارة مابها شي ممقوت
قلت الحضارة تنزعين الحجابي !!
المسألة ماهيب راي ٍ على النوت
والا مشورة بين سلبي / ايجابي
ترضين بالحلتيت* وتعافي التوت
غريب امرك ، تطردين السرابي !
بتموت كل الناس يابنت ونموت
يارب يوم العرض يمّن كتابي
ردي حجابك قبل لاتدمر بيوت
كوني مصونة من نياب الذيابي
البنت لو تتسلح وتتركه قوت
بحجابها مافيها شيّن يعابي
يا مسلمة بإيديك جمره وياقوت
واختاري مابين الفرح والعذابي