[المغرم اليائس]

السلام عليكم ورحمة الله وبركاته,,

اضع بين يديكم هذه القصيدة التي اطمح ان تصيب هدفها
/
\
/
\



((حزن الانغام))

البارحة وانا وحزني والاوهام=والهم والضيقة وصمت الكأبة
جينا مع دروب المواجع والاسقام=على الطريق اللي الغرام ابتدابه
من منطلق محد (ن) له حبيبه دام=ثارت جروحي وابتديت الكتابه
غنيت لجروح الهوى عدة انغام=وازعجت من صوت الجروح القرابه
القصة اللي خثرت نزف الاقلام=تفاوتت فيها حدود الغرابه
بألغازها مثل المدائن والاهرام=وبرموزها حصلت بعض التشابه
فيها مشاعرنا غدت مثل الاصنام=يوم الفرح عنا تقرر ذهابه
واللحظة اللي عثرت سير الاقدام=قلبي نزف منها ولا احد (ن) درابه
لحظة الم سميتها (حزن الانغام)=حزن قتل حلم الغلا وانتهابه
يوم الحقيقة خانها زيف الاقزام=اعلن فؤادي للجروح انسحابه
دام المشاعر بينا مثل الايتام=والشووق صك بوجهنا قفل بابه
ماللرجا حيلة اذا الوقت نمام=وماللغلا قيمة لو الوقت جاابه
ياهاجسي قل للحمام الذي حام=يكفخ بهمي صووب ذيك السحابه
قله يسافر بالخطايا والاندام=ويرحل بهمي مع دروب اغترابه
يمكن يبل الريق من بالهوى صام=اللي نشف حلقه وهو ماارتوابه
ويرد نبض الرووح في بعض الانسام=بعد الخيال وبعد كذبة سرابه
ماللحقيقة ذنب في غدر الايام=يوم الكذب للصدق كشر بنابه
حكم القدر حطم املنا تحطام=وصار القهر يقدي علينا ثيابه
من ذكريات الامس شفنا التألام=ذقنا الالم من دون نذكر حسابه
يافاتنه ذا الووقت يمشي لقدام=واللي مضى بالامس ماينحكابه
شمس الحقيقة ذوبت صرح الاحلام=والثلج ماع وحان وقت انسكابه
لاتنثري دمع الالم والتندام=انتي السؤال الصعب وانتي جوابه
هنا انتهت رحلت تعابير الاقلام=وتوقفت خطوة مسير الكتابه

اشــ ع ــار/

المغرم اليائس

محمد بن حميد الذيابي

الموضوع الأصلي: ¨°o.O (ح ــــززن الانـــ غ ـــام ) O.o°" | | الكاتب: المغرم اليائس | | المصدر: شبكة بني عبس