اعود اليكم بقصيدة جديدة وأتمنى ان ترتقي الى مستوى ذائقتكم ,,,,,,,
الجادل اللي بالحصون المنيعة = اللي سكنها من ورى حدب الاظلاع
قولو لها لامن نوت بالقطيعة = والله لتبطي قبل تلوي لي ذراع
ان كان قلبك في يديني وديعة = انا حفظت العهد مازدت الاوجاع
وان باعني والله حالف لاابيعه = وابيع قلبي كان عيا ولا باع
ممدوح لاضاقت عليه الوسيعه = ماراح يرجي له من الناس فزاع
يابنت عز النفس فيني طبيعه = يعني ما اجامل لاجل تحسين الاوظاع
لو مايطيع الوقت والله ما اطيعه = ماني من اللي لاحداه الزمن طاع
يعني النجوم الساريات الرفيعة = اقرب من انك تبغى تلوي لي ذراع
الشاعر : ممدوح العريض