[quote=بنت النور;372651]
ياعين مـن حطيـت عينـي بعينـه =وابطيت واقف في بحر عينه أمـوج
ابحرت في عينـه بليـا .. سفينـه =سجيت فيها ليـن ضيعنـي المـوج
حاولت .. ألد الشـوف عمـا يهينـه=ولا انتبهـت الا وانـا فيـه ملبـوج
شفت الفتـن فـي ملتقـى حاجبينـه=السحر في عينه مع الزيـن مدمـوج
اسـود سـواده لابستـه السكيـنـه=وابيض بياضه طايش اللون مرجوج
زاويـه طـرف ٍ حاجـز ٍ دمعتينـه=لولاه كـان الخـد بالكحـل ممـزوج
كاسيـه رمـش ٍ زاد ملحـه وزينـه=من فوق متكحل ومن تحت مدعـوج
بين الرموش السود شفـت الغبينـه=واللي رماه الرمش ماعاد لـه بـوج
مرت ثوانـي مـن حياتـي ثمينـه=وانا اتهادى بيـن الاشـواق وأدوج
مرت وانـا قابـض علـى راحتينـه=واقف مقابل لـه وساهـي ومدلـوج
مدري وش اللي صار بينـي وبينـه=والقلـب ماردنـه ضلوعـي العـوج
ولا انتبهـت الا بسحـبـت يديـنـه=قال انت تبغى الناس تلحقني هـروج
قلت اعذر اللـي شافـك الله يعينـه=يبطي ودمعه بعـد فرقـاك مزعـوج
عينك بنظـرات الغـلا مستهينـه ؟؟قال الغلا في داخل القلـب منسـوج
قلت الوعد قال ايه .. كل شيء بحينه=الله يفتح لك مـن الضيقـة فجـوج
قلت آآآه .. طيب شف لي الدرب وينه=قال انتبه باقـي علـى شفتـك روج
مشكورةةةة يابنت النور ..
..تحياتي لك..