أهدي إليكم هذه المحاوره والتي جرت في حائل في حفل زواج نايف الحربي
وهي بين راشد السحيمي الحربي ودحيم الخياري الرشيدي.
راشد السحيمي:
مرحبا باللي حضر باسمي وباسم اعيال جدي=هم حرب اللي طلع منهم نويشي والبلالي
جاك كاس العالم وجتك البطوله والتحدي=مادريت إلا وانا جالس على الشاشه لحالي
دحيم الرشيدي
البقا باللي يرد وكل صفه مستعدي=في محل اللي لهم عند العرب قدر وجلالي
كان ودك بالتحدي ليلة الاثنين ودي=مانقلت السيف من شان القريب والموالي
راشد السحيمي:
يادحيم لابغيت اتحرض الشعار ضدي=ماأنت قادر تغوي إلا الاجودي وبن الحلالي
كان ودك بالصحيح أنته صغير ماأنت قدي=يوم تلقالك ظلال ويوم ماتلقا ظلالي
دحيم الرشيدي:
وش مدى تاثير راشد يوم اسويله تحدي=قالها حبيب وابا أقوله بعد جاله مجالي
كان مانت بقدي اجلس بالمعالي لاتعدي=أنت ماندري وأنا اللي كامل بكل الحوالي
راشد السحيمي:
أدري أنك مثل غيرك لاتجيب ولاتودي=يوم تسوالك ريال ويوم ماتسوى ريالي
يالخياري لي ثلاث سنين واقف عند حدي=وانت غالي عند نفسك عند غيرك مانت غالي
دحيم الرشيدي:
يالسحيمي طيع شوري صير من حالك وردي=وانت رقمن موقعه معروف صفر من الشمالي
كل شاوي مايداني الذيب والذيب امتعدي=ماعليه من الكلاب اللي تنابح بالمفالي