[الكرزالرشيديه]

إليكم هذه القصيدة الرائعة التي يتحفنا بها ناصر القحطاني ويلوح بسيف الشعر

منتصراً للرسول صلى الله عليه وسلم

ولا يملكني القول إلا كثر الله من أمثال هذا الشاعر وياليت كل الشعار زيه





اللي تودع ضناها العام مبتسمه
قالت عساه الذهاب إن مارجع داسم

ماعلمتنا عن الموقف متى حسمه
لاانتظروا أصحابه اللي ربهم قاسم

السالفة طولت والناس منقسمة
يالله بنصرٍ عزيز وموقفٍ حاسم

لا والله إلا غدينا وجبة دسمه
مادامها وصلت الدعوى لأبوالقاسم

يكرم عن الحالمين بوصفه ورسمه
تخسى الرسومات واللعنة على الراسم

اللي تجرت يدينه عرفوا باسمه
هي مابعد ذاقت الميسم من الواسم

وش يامر الشيخ فيه إن غابت البسمة
والله مايصبح الا والثغر باسم

إن ثار مليار والجاني وجب وسمه
كلٍ مصيره مع أهل الخير متقاسم

وإن لانت الريح نسمه في قفا نسمه
يكرم ويكرم ويكرم وجه أبو القاسم

الموضوع الأصلي: لا والله إلا غدينا وجبة دسمة / مادامها وصلت الدعوى لابوالقاسم | | الكاتب: الكرزالرشيديه | | المصدر: شبكة بني عبس