السلام عليكم
الغلطه أللي تجينـي منـك امررهـا
.............. مره وثنتيـن علـك تثنـي ركابـك
اعطيك فرصه وحـذرا لاتكررهـا
.............. ماودي اني اعـزر فيـك وابلابـك
الثالثـه لوتجـي ماقـدر اطمرهـا
.............. اردها وافيـه مـن غيـر لاشقابـك
...
ماظن تنسى فعولي وانـت خابرهـا
.............. لكـن تجريـت بالرفقـه ولاثابـك
الخوه اللي تضيـع بوجـه ناكرهـا
.............. ماتنومن لا غزاك الوقـت والوابـك
والخوه اللي تبيـن بوجـه شاكرهـا
.............. احرص عليها وكن الود لاصحابـك
ماني عليك انت لاقفيـت حاكرهـا
.............. افلها وان رجعت اقـول وش جابـك
رفقة هل المصلحه ماكثر مخاسرهـا
.............. حتى ولوكان راعيها مـن اقرابـك
..........
النفس ماني بدرب الضيق حاشرهـا
.............. لو كان ماكان ماني طـارقٍ بابـك
دنياك لازم مـع الواقـع تسايرهـا
.............. لو شفت منها عجايب تمسك اعصابك
امقرد الخلق تبغـى مـن يقاشرهـا
.............. تبلش بها كل يوم تشيـل مشعابـك
العمـر كلـه سويعـاتٍ نقـزرهـا
.............. لابد يـومٍ يجـي وتـودع احبابـك
سكة حياتي على ماجـات عابرهـا
.............. مكتوبلي ماكتب وانته لـك كتابـك
لـــــــــــــــــ...............ي