[الاجهر]

بقايا ..دفتري .. ذكرى .. قصايد..عمرها قد طال = قصايد.. مابها روحٍ .. ولاشيٍ ..يسليني
خيالي ..فيها عذبني .. وجابرني ..على الترحال = أضم الكون ..في يديني .. لو ان الكل ..ناسيني
جدار الصمت ..كسرته .. وحبر البوح.. فيني سال = شتاتي ..من الورق زايل .. وحرفي..عايشٍ فيني
حبيبي ..في بيوت العشق ..هايم ..يعزف الموال = أغمض عيني ..وأتخيل .. يدينه ..تحضن ايديني
يصبحني .. يمسيني .. ويسألني ..عن الأحوال = وأنا أعيشه ..كما حلمٍ .. وشوقي له .. يصحيني
حبيبي .. الصادق الوافي .. على حبك ..بنيت آمال = مادام.. أن العمر باقي .. على دربك.. يوديني
تعال ..وخذني لبكره .. وصرلي ..الفارس الخيال = تعال ..الشوق يحرقني .. إذا ماشافتك ..عيني
ولأجلك . والله ..لأمحيها .. قصايد.. عمرها قد طال = قصايد ..مابها روحٍ .. ولاشيٍ ..يسليني

الموضوع الأصلي: يدينه ..تحضن ايديني | | الكاتب: الاجهر | | المصدر: شبكة بني عبس