ردية بين الشاعر عواض عايض الرشيدي مع الهرش
ردية بين الشاعر عواض عايض الرشيدي مع الهرش
امل ان تنال اعجابكم
قال الشاعر عواض
يالهرش اصفيك والا انك تصفيني=انا ورى علتك كان الله احياني
القرشعه صبها عند الفلبيني=والتفتفه صبها عند الباكستاني
يعني توديني الديرة توديني=بالطيب والا غصب ماهو على شاني
حلفت ما اشر بجنب القار بيديني=لو اركب بطاستك تسعين شيطاني
رد الهرش
فتح اذانيك خل اذنيك توحيني=وخل التحدي نصيحه لا تحداني
ان عودت للتحدي بينك وبيني=حرام ما تطوي مع القار سكاني
والراتب الي استلمته ما يكفيني=وعلمني اليا استلمت الراتب الثاني
وهات الباكستاتي وخله يصفيني=قله تراني امريكي ماني افغاني
رد الشاعر عواض
الي يبي ياكل الراتب ويذيني=اليا انتهى راتبي بكرة تعشاني
تبيني اعطيك واقاصد ديايني=لا والله اني لا اسدد فيك دياني
وكانك امريكي وش الي منك يعنيني=خصمك سعودي تدري كيف جداني
عاشوا قبل بوش بظهور البعاريني=العن الله ابوك وابو كل نصراني
المقصود بالهرش هو سيارة الشاعر
| توقيع فيصل الرشيدي |
|
اللَّهُمَّ إني أعُوذُ بِكَ مِنْ زَوَالِ نِعْمَتِكَ وَتَحَوُّلِ عافيتك وَفَجْأةِ نِقْمَتِكَ وَجَمِيعِ سُخْطِكَ
|
|