بسم الله الرحمن الرحيم
هذه بطاقة وفاء قدمها لشاعر بني عبس الشاعر الكبير سعدان بن عابس الرشيدي الشاعر فواز مريزيق المهيمزي الرشيدي وهذا الشعور في هذه الآبيات لن توفيه حقه أسأل الله العلي العظيم أن يمن عليه بالصحة والعافية وأن يجعل هذا الآبتلا تكفير لذنوبه وخطاياه ,
ونحن نقول جزاك الله خيرا يابن مريزيق على هذا الكلام الطيب والدعا الصادق والحقيقه أنك ترجمة مشاعرنا جميعا , ونسأل الله أن يفك عوق سعدان ويشافيه ومرضى المسلمين أجمعين , يقول الشاعر فواز مريزيق الرشيدي
يالله يارحمـان ياخـيـر رحـمـان=يـافــارج الــشــدات يالله يالله
ياخالـقٍ خلقـه بـقـدرٍ ومـيـزان=ياسابـقٍ علمـه ولاشـئ يخـفـاه
يامخرج الأنسان من صلب الانسـان=واليا انتهت صفحـة كتابـه توفـاه
يالله ِأسالـك وأنـت قـادر ومنـان=والمسلم اليـا ضـاق يلجـا لمـولاه
تذهب مرض شاعر بني عبس سعدان=وباللطف والأحسان والخيـر تجـزاه
مرت ثلاث اسنين سعـدان مرضـان=البعض منا جـاه والبعـض ماجـاه
هو سيفنا اللي يرهب الخصـم لابـان=يحسب له حسابه وهو داخل اخبـاه
الشعر بعـده منطـرم مالـه السـان=يشكي وجمهـوره يـذوق المعانـاه
صدره وعجـزه والقوافـي والاوزان=فتلـه وتصويـره ونقضـه ومعنـاه
غاب الآديب وغيبتـه شانهـا شـان=أديبنا اللـي طـور الشعـر واثـراه
بالارض ينحت له من الصخر بنيـان=مايشبهه بالبني بنـيً سـوى بنـاه
وأن غاص بحر يجيب لؤلؤ ومرجان=يكشف خبايا البحر لو يصطفق مـاه
وليا كفخ بالجـو مـن دون جنحـان=يلقـى النـوادر بالثـريـا تـحـراه
البيت من سعـدان وافـي ومليـان=شـرد المعانـي تستحـي ماتعـداه
ماعني بقولـي للشواعيـر حقـران=يوجـد رجـالٍ بالـلـوازم مـبـداه
لكن بـدون مجامـل فـلان وفـلان=سعدان يبقى الشعـر ناقـص بليـاه
لو كل يوم اكتـب بسعـدان ديـوان=ماحصي مناقب طيب العرف والجـاه
حقـه علينـا صبـح وإلا مسـيـان=منا ما حد ينساه من صالـح ادعـاه
يالله كن لـه خيـر عـونٍ ومزبـان=ياكاشفٍ عن عبـدك أيـوب بلـواه
ملاحظه:منقول من الشاعر الكبير والمعروف
جمـــعان خـــلف المظيبري الرشيدي