أخواني محبين الالغاز ورواد منتدى الغاز شبكة بني عبس00
السلام عليكم ورحمة الله وبركاته 0
وبعد أفيدكم انني انقطعت فتره عن المنتدى وذالك بسبب ظروف خاصه وأنشاءالله عن قريب أكون متواجد معكم بالمنتدى بشكل مستمر ودائم
ولآن انقل لكم مجموعة الغاز آمل أن تنال اعجابكم 0
ياقصيدي لاغفا الليل واقفا في سبات = علمه واشلون يصحى ضميره لارقد
وأسأله عن قصة الكهل والسبع البنات= سبع اتنافت مع قل هوالله أحد
والكهل له عدة اسماءوله عدة صفات= بين اوخافي يحب المنازع والحسد
له ثلاث اسماء وأنا أقول يالله النجاة = جعل ماهو صديق لي ولاهو بالبلد0
وأسأله عن قصة اربع طعش متتاليات = فيهن المرالمرير وسطها طعم الشهد
سبع منهن قاسيات عظام مهلكات = وسبع فيهن الناس تفرح اليادن الرعد0
وأسأله وش أسم ناطق وهو ماله شفاة= يدعي العالم وصوته يبشر بالسعد
ابدوي يزعج الصوت من بعد الصلاة = في حياته ماركع لله ركعه أبد0
وأسأله وش أسم راعي فعول طيبات =مجلسه مجلس نشاما وهو نشمي بعد
ياكثر ماسولفوبه و بافعاله رواة = ومع هذا كله ولامد له فنجال أحد0......
وأسأله عن بنت اصغر اشوي من النواة = فضلها على ابن آدم سواة جبل أحد
في بحر تسبح ويمشي بها علم ثبات = ماتفرق بينها الناس بنت اولاولد0
وأسأله عن واحد له ثلاث امحركات = ان وقع فيهن صحا وان سلم منهن هجد0
وأسأله عن قصة السبع سبع معجزات = القليل اللي من الناس فيهن رشد
الهن عيال مشاهير والهن بنات = امهن منهن وفيهن وهي سابعتهن بالعدد
وأسأله عن شيء اسمه يورده الممات= لاذكر اسمه توفى ولاطب اللحد
ياخذ من اجبال السراة بعض الصفاة = والمصيبه له عدو صغير فالمهد
فيه حكمه للملاء والعقول الراجحات = نوب يجنب شر المشاكل والنكد0
الالغاز منقوله وفالكم التوفيق 0
آمل من اخواني الكرام كل من يكتب رمعه أن يذكر جزاء من اللغز المقصود 0 أنشاءالله عن قريب أكون متواجد معكم بالمنتدى الذي يشرفني تواجدي به مع أخوني أبنا القبيله 00 وتقبلو تحيات وتقدير وفائق احترام أخوكم أبو فايز العويمري00