[سعد الشقل]

بقلم مشرفين قسم المحاورة :
أ: سعد الشقل
أ: سعد الفلاح



اليوم سوف نتحدث عن شعراء المنتدى الثلاثه الغامضين وهم شعراء أعلام ... شعراء استطاعوا ان يلفتو أنظار الجميع اليهم بوقت قياسي قصير ...

وهم ( الجحش.. بحر الخليج...سلمان ابن عمار )



نبذة بسيطة عن شاعرنا :


الجحش :-

لقب من كبار الشعراء بلقب .. عميد الشعراء... شاعر النقض والفتل .. شاعر الابداع ..

اسم لامع بالشبكة العنكبوتية ... استطاع ان يكسب شهرة واسعه بميدان المحاورة ...

عرف برحابة وسعة صدره ... ودماثة خلقه ....


شاعر جمعتنا معه الاقدار ... وولع في غيابه قلوب المعجبين نار ... اجبرنا حباً له بمتابعة كل محاورته ...

وهذي أبيات رائعه لشاعرنا الكبير ( الجحش ) :-

كم من اسمٍ جميل وباللقاء مايهوش=وانت رجلٍ مخضرم مأنت رجلٍ ردي

:

انته تبا فرقا الجحش مير إلتحم معك إلتحام=والا جمال الوجه عند ام الحلي وام النقوش

:

كلمـة العيرماعابـت عـيـال مطـيـر=وانـت نشبـان بيـن البـاب والطاقـه

والله واللي جعلك اكبرمن الجربوع والفار=لاطاك حتى تصيراصغرشوئ من الذبابه

:

وهذي احد قصائد شاعرنا الجحش :-

لليالـي بافضـل الاسمـا رمتنـا=وانت ماترضى عليّـه ياعضيـدي
عمـدة الشعـار سبـة مشكلتنـا=كبر اللقمه ونشبت فـي وريـدي
ودنــا ميرالمقاديراعسـرتـنـا=وخفت اجيب العيد بالثوب الجديدي
شد حيلك ليـن تعـرف سالفتنـا=وارسـل لناصرخنيفربالبـريـدي
طيبنـا مـن طيبكـم ياواجهتنـا=واجزم اني بالوفاء ماني وحيـدي
لعبـدالـبـاري يحددجـهـتـنـا=وأمّا انا0 اقول المهم اني رشيدي

نبذة بسيطة عن شاعرنا :


بحر الخليج :-

بحر الخليج شاعر علم استطاع ان يكسب محبة الجميع وحير عقول الشعراء في قوة جزاله أبياته وشهد له الجميع في ذلك

واليكم أبيات رائعه لشاعرنا الكبير ( بحر الخليج ):

بعض الطراقي لو تزينها حسينات اللبوس=لو قست بعد انظارها تلقاه طول اشبورها

:

انا ماني من اللي تحت سيفك روسهم تخضع سواة فلان والا فلان=ولا تلقا على بحر الخليج اخطا تدورهـا مثـل ناس(ن)ملاقيفـي

:

وان جيت ابا اشرحلك ظروفي ماتوفيها الحروف=وانا ليامن غبـت يفقدنـي عزيزيـن الجنـاب

:

لاوالله الا ضاقت الدنيا على وساع الصـدور=اللي تضيق فجوج نجد ولاتضيق صدورهـا

ياذيب جر الصوت عالي يسمعك خمسين ذيب=صحيفة(ن)ماهي ثقه ماشره على مندوبهـا

وهذه قصيده من اجمل القصائد التي نالت اعجاب الكثير من القراء وادهشت الكثير من الشعراء وطالبو في معرفه أسم بحر الخليج لانها دره من درر الشعر

اليكم القصيده الرائعه ( رساله عنتره العبسي ) :

البارحة قابلت عنق الريـم صدفـه ياحميـد=صدفه بلا ميعـاد ربـي يـم دربـي حدهـا
قابلتها كلي ولـه واشـواق وشعور(ن)فريـد=ونفس الشعور اللي معي جيت ولقيته عندهـا
عقب ثمان اسنين من فرقاه وجروحـي تزيـد=كانت ظروف الوقت ضدي مثل ماهي ضدهـا
غابت عن عيوني وصورتهـا بقلبـي ماتبيـد=احسهـا واشوفهـا بالعيـن يــوم الـدّهـا
اليا طرت وانا بوسط المجتمـع كنـي وحيـد=اسج واضحك لذكرت امزوحهـا مـع جدهـا
تذكر عليّه كل ماهز الهـواء خضـر الجريـد=يقفي بها صلف الهواء عني ونـوب يردهـا
من قبل لاعرفها وانا قاسي واشد من الحديـد=واليوم قلبي صاير(ن)خاتـم بخنصـر يدّهـا
لعيونها غامرت بالدنيا وانـا مالـي رصيـد=الا الرموش اللي لشفت الشمس جيت بسدهـا
يضفي علي ظلال سوده عن قريب وعن بعيـد=وابحر واعيش ابجزرها واغرق واموت ابمدها
منزالها بالقلب خالي ماسكنـه حب(ن)جديـد=كم مهرة(ن)تطرق اقفوله والضلـوع تصدهـا
واقول ابا اصبر وانتظر يمكن بعمري يوم عيد=لابـد ماتذكـر هواهـا الاولــي لابـدهـا
وهذي قصيده تنحني لك غير عن كل القصيـد=وان كانها مارضت غرورك لعن ابوها وجدّها
كتبتها مـن دم شريانـي ومـن دم الوريـد=كله علشـان العنـود اللـي ذبحنـي ودّهـا
الله لايحرمك الاجر وان رحت ياساع البريـد=هذي رسالة عنتـر العبسـي لعبلـه ودهـا

نبذة بسيطة عن شاعرنا :


سلمان بن عمار :-

شاعر تسلطت عليه اضواء النجوميه على قلة محاوراته بالمنتدى لا يأتي الا بالشعر الحقيقي شاعر يستحق الاشاده

ونذكر عدت أبيات لشاعرنا الرائع (سلمان بن عمار ) :-

علامك جنحت يسار ياطير ابن برمان=مسافتك عند رجولـك الله يكسرهـا

:

أنته لهالحين في بحر الخطايا غريق=والثرثرة للخطايا جرتـك جرجـره

:

الا يالفارس اللي قبل ماتصيد العرب تنصاد=على هالسالفه مابيني وبينـك خصوميـه

تلبست يالجن اليهودي ثياب إنسان=وأنا الله خلقني للشياطين أحشرها

:

عز الله إني عليك من الخطيه شفيق=وش عاد عذرك ليا حطوك بالمقبره

والان اعزائي عشاق المحاوره بعد الحروف التي كتبتها بشعراء الثلاثه لي غايه ومقصود :-

اولا :- جزاله الشعراء الثلاثه وقوة ابياتهم وتشابه بالاسلوب ...!

ثانيا :- لم يسبق وان لعب هؤلاء الثلاثه مع بعضهم محاوره ؟

ثالثا :- هل الجحش وبحر الخليج وسلمان بن عمار شخصيه واحده ؟

:

.

هذا ما سنعرفه بأذن الله فالقريب العاجل من خلال التنسيق مع الثلاثه في محاورات بينهم .

على الجحش وبحر الخليج وسلمان بن عمار التواجد اولا بالموضوع..//

الموضوع الأصلي: الجحش× بحر الخليج×سلمان بن عمار (لغزالمنتدى) | | الكاتب: سعد الشقل | | المصدر: شبكة بني عبس